________________
तापसाः
३५]
जीतकल्पसूत्रम्। भणिएस चुण्णपिण्डो, (दारं) अहुणा वुच्छामि जोगपिंडं तु । तहियं जोग अणेगा, इणमो तू संपवक्खामि ॥१४५८॥ योगः सूभग-दोभग्गकरा, जोगा आहारिमा य इयरे य । आघंस धृववासो, पायपलेवायिणो इतरे ॥१४५९॥ तत्थाहरणं इणमो, अणहारिमपादलेवजोगम्मि । आभीरगविसयम्मी, जह कत सुण तावसे हिं तु ॥१४६०॥
योगे ब्रह्म
द्वैपिकाः णदि कण्ह बेण्ण दीवे, पंच सया तावसाण णिवसंति । पव्वदिवसेसु कुलवइ, पालेवे लिंप पाए तु ॥१४६१॥ पाउगदुरूढ सलिलुप्परेण उत्तरिउ एति णगरं ति । आउट्ट लोग पूया, पञ्चक्खा तेते देव त्ति ॥१४६२॥ जण सावगाण खिसण, तहियं तू वइरसामिमाउलया। आयरियअज्जसमिता, तेसिं च णिवेदियं तेहिं ॥१४६३॥ तेहि भणिया य बच्चह, ते मातिहाणि पायलेवेणं । णतिमुत्तरंति सगिहे, णेउसिणोएण धोबह णं ॥१४६४॥ तेहि य सगिहे णेउं, पाय बला धोयऽणिच्छमाणाणं । किं जाणति लोगो ? त्ती, दिण्णं विणएण बहुफलयं ॥१४६५॥ पडिलाभिय वचंता, णिबुड्ड णदिकूल मिलिय समिया य । विम्हिय पंच सता तावसाण पव्वज्ज साहा य ॥१४६६॥ एमादीजोगेहि, आउद्यावेत्तु एसती पिण्डं । सो ण वि कप्पे (दारं) एत्तो, वोच्छामी मूलकम्मं तु॥१४६७॥ दुविहं तु मूलकम्मं, गब्भादाणे तहेव परिसाडे । दुविहे वि मूलकम्मे, पच्छित्तं होति मूलं तु ॥१४६८॥ आदाणे अहिगरणं, पडिबंधो छोभगादिदोसा य । पाणवह साडणम्मि, छोभग पडिणीय उड्डाहो ॥१४६९॥ इय मूलकम्मेणं, पिंडो उप्पादिओ ण कप्पति तु । उप्पातणेस भणिया, गवेसणा चेव य समत्ता ॥१४७०॥दा।
मूलकर्म
Jain Education International
For Private & Personal Use Only
www.jainelibrary.org
