________________
स्वोपज्ञभाध्ययुत
[ गाथा अहवा मत्ता बिंदू, अण्णभिहाणेण बाधितं अत्थं । वंजिज्जति जेण अत्थो, वंजणमिति भण्णते सुत्तं ॥१०१०॥ वंजणभेदेण इहं, अत्थविणासो हवेज्ज तु कयाई । अत्थविणासा चरणं, चरणविणासे अमोक्खो तु ॥१०११॥ मोक्खाभावातो पुण, पयत्तदिक्खा णिरत्थिया होति । जम्हा एते दोसा, तम्हा सुत्तं ण भिंदिज्जा ।।१०१२॥ वंजणभेदो भणिओ, अत्थे भेदं अतो पक्क्खामि । अत्थं तु वियप्पंती, तेहिं चिय वंजणेहऽण्णं ।।१०१३॥ आयारे सुत्तमिणं, आवंती पंचमम्मि अज्झयणे । आवंती केवंती, लोगसी विपरिमुसंति त्ति ॥१०१४॥ अट्ठाएँ अणहाए, एतेसु विप्परामुसंती तु । एयं सुत्तं आरिस, अस्थ विकप्पेतिमं अण्णं ॥१०१५॥ आवंती होति देसो, तत्थ तु अरहट्टकूवजा केया। सा पडिया हे? तू , तं लोगो विष्परामुसइ ॥१०१६॥ अत्थविसंवाएवं, तदुभयदारं इमं पवक्खामि । जत्थ तु सुत्तत्था खलु, दो वि विणसंति तं च इमं ॥१०१७॥ धम्मो मंगलमुकत्थो, अहिंसा पव्वतमत्थए । देवा वि तस्स णस्संति, जस्स धम्मे सया मती ॥१०१८॥ अहाकरेसु रंधंति, कढेसु रहकारी उ। रण्णो भत्तम्मि णो जत्थ, गद्दभो जत्थ दीसति ॥१०१९॥ एसो तदुभयभेदो, दोणि वि णासंति एत्थ सुत्तत्था । एवं तु ण कातवं, दोसा ते चेव पुवुत्ता ॥१०२०॥ णाणायारो एसो, अट्ठविगप्पो जिणेहिं पण्णत्तो । उद्देसगमादीणं, पच्छित्तुदितं इमं कमसो ॥१०२१॥ णिव्विगतिय पुरिमड़ेगमत्त आयंबिलं चऽणागाढे। पुरिमादी खमणतं, आगाढे एवमत्थे वि ॥२४॥
Jain Education International
For Private & Personal Use Only
www.jainelibrary.org
