________________
८७
अष्ट
ज्ञानातिचाराः
२०-२३ ]
जीतकल्पसूत्रम् । उद्देसय अज्झयणे, सुतरखधंगेसु कमसो पमादिस्स। कालाइक्कमणादिसु, णाणायाराइयारेसु ॥२३॥ णाणायारो दुविहो, ओहेण विभागयो य णातव्यो । उद्देसय अज्झयणे, सुयखधंगे विभागो तु ॥९९८॥ उद्देसादिचउण्ह वि, अतियारो अट्टहा मुणेतव्यो । पत्तेयं पत्तेयं, कालादि इहं पवयणम्मि ॥९९९॥ काले विणए बहुमाणे उवहाणे तहा अणिण्हवणे । वंजण अत्थ तदुभए, अट्टविहो णाणमायारो ॥१०००॥ जो तु करेति अकाले, सज्झायं कुणइ वा असज्झाए । सज्झाए वा ण कुणति, कालतियारो भवे एस ॥१००१॥ जच्चादिमदुम्मत्तो, थद्धो विणयं ण कुव्वति गुरूणं । हीलयइ व जो तु गुरुं, विणयइयारो भवे एस ॥१००२॥ सुतणाणम्मि गुरुम्मि व, भत्ती बहुमाण जो तु ण करेति । भत्ती होयुवयारो, बहुमाणो गोरवसिणेहो ॥१००३॥ बहुमाणे अइयारो, एमेसो वण्णिओ समासेणं । उवहाणं होति तवो, आयंबिलमादिओ सो य ॥१००४॥ जो ते ण कुणति साहू, अहवा वि ण सद्दहेयमुवहाणं । सो उवहाणतियारो, णेण्हवणेत्तो पवक्खामि ॥१००५॥ णिण्हवणं अवलवणं, अमुगसगासे अहं णऽहिज्जामि । अण्ण जुगप्पहाणं, आयरियं सो उ उद्दिसति ॥१००६॥ णिण्हवणे अतियारो, एमेसो वण्णितो समासेणं ! वंजणमादिपदाणं, अतियारमतो पवक्खामि ॥१००७॥ भणितं वंजणमक्खर, तण्णिफणं सुतं मुणेतव्वं । पागतणिबद्धमेयं, सक्कयमादी करेजाहिं ॥१००८॥ धम्मो मंगलमुक्कटं, दया संवर णिज्जरा । तस्सेव य अत्थस्सा, अण्णाणि य वंजणाणि करे ॥१००९॥
Jain Education International
For Private & Personal Use Only
www.jainelibrary.org
