________________
४०
Jain Education International
१५०. जह ते न पिअं दुक्खं, जाणिअ एमेव सव्वजीवाणं । सव्वायरमुवउत्तो, अत्तोवम्मेण कुणसु दयं ॥ ४ ॥
१५१. जीववहो अप्पवहो, जीवदया अप्पणो दया हो । ता सव्वजीवहिंसा, परिचत्ता अत्तकामेहिं ।। ५ ।।
१५२. तुमं सि नाम स चेव, जं हंतव्वं ति मन्नसि ।
तुमं सि नाम म चेव, जं अज्जावेयव्वं ति मन्नसि ।। ६ ।
१५३. रागादीणमणुप्पाओ, अहिंसकत्तं त्ति देसियं समए । तेसिं चे उप्पत्ती, हिंसेत्ति जिणेहि णिद्दिट्ठा ॥ ७ ॥
१५४. अज्झवसिएण बंधो, सत्ते मारेज्ज मा थ मारेज्ज । एसो बंधसमासो, जीवाणं णिच्छयणयस्स ॥ ८ ॥
१५५. हिंसादो अविरमणं, वहपरिणामो य होइ हिंसा हु । तम्हा पमत्तजोगे पाणव्ववरोवओ णिच्चं ॥ ९ ॥
१५६. णाणी कम्मस्स खयत्थ- मुट्ठिदो णोट्ठिदो य हिंसाए । अददि असढं अहिंसत्थं, अप्पमत्तो, अवधगो सो ॥ १० ॥
१५७. अत्ता चेव अहिंसा, अत्ता हिंसति णिच्छओ समए । जो होदि अप्पमत्तो, अहिंसगो हिंसगो इदरो ।। ११ ।
समणसुत्त - भाग १
For Private Personal Use Only
www.jainelibrary.org
