________________
३६
Jain Education International
१३२. उवसामं पुवणीता, गुणमहता जिणचरित्तसरिसं पि । पडिवातेंति कसाया, किं पुण सेसे सरागत्थे ॥ ११ ॥
१३३. इह उवसंतकसाओ, लहइ अनंतं पुणो वि पडिवायं । न हु भे वीससियव्वं, थेवे वि कसायसेसम्म ।। १२ ।।
१३४. अणथोवं वणथोवं, अग्गीथोवं कसायथोवं च । न हु भे वीससियव्वं, थोवं पि हु तं बहु होइ ।। १३ ।।
१३५. कोहो पीइं पणासेइ, माणो विणयनासणो ।
माया मित्ताणि नासेइ, लोहों सञ्वविणासणो ।। १४ ।।
१३६ . उवसमेण हणे कोहं, माणं मद्दवया जिणे ।
मायं चऽज्जवभावेण, लोभं संतोसओ जिणे । । १५ ॥
१३७. जहा कुम्मे सअंगाई, सए देहे समाहरे ।
एवं पावाइं मेहावी, अज्झप्पेण समाहरे ।। १६ ।।
१३८. से जाणमजाणं वा कट्टु आहम्मिअं पयं ।
संवरे खिप्पमप्पाणं, बीयं तं न समायरे ।। १७ ।।
१३९. धम्मारामे चरे भिक्खू, धिइमं धम्मसारही । धम्मारामरए दंते, बम्भचेरसमाहिए ।। १८ ।।
११. अपरिग्रहसूत्र
१४०. संगनिमित्तं मारइ, भणइ अलीअं करेइ चोरिक्कं । सेवइ मेहुण मुच्छं, अप्परिमाणं कुणइ जीवो ॥। १ ।।
१४१. चित्तमंतमचित्तं वा, परिगिज्झ किसामवि | अन्नं वा अणुजाणाइ, एवं दुक्खा ण मुच्चई ॥ २ ॥
समणसुत्त भाग १
For Private Personal Use Only
www.jainelibrary.org
