________________
४२.
निच्छयओ दुण्णेयं, को भावे कम्मि वट्टई समणो। ववहारओ य कीरइ, जो पुव्वठिओ चरित्तम्मि॥११॥
४३.
तम्हा सव्वे वि णया, मिच्छादिट्ठी सपक्खपडिबद्धा। अन्नोन्नणिस्सिया उण, हवंति सम्मत्तसन्भावा ॥१२॥
४४.
कज्जं णाणादीयं, उस्सग्गाववायओ भवे सच्चं। तं तह समायरंतो, तं सफलं होइ सव्वं पि॥१३॥
५. संसारचक्रसूत्र
४५.
अधुवे असासयम्मि, संसारम्मि दुक्खपउराए। किं नाम होज्ज तं कम्मयं, जेणाऽहं दुग्गइं न गच्छेज्जा ? ॥१॥
४६.
खणमित्तसुक्खा बहुकालदुक्खा, पगामदुक्खा अणिगामसुक्खा। संसारमोक्खस्स विपक्खभूया, खाणी अणत्थाण उ कामभोगा॥२॥
४७.
सुट्ठवि मग्गिज्जंतो, कत्थ वि केलीइ नत्थि जह सारो। इंदिअविसएसु तहा, नत्थि सुहं सुठु वि गविठं ।। ३ ।।
४८.
नरविबुहेसरसुक्खं, दुक्खं परमत्थओ तयं बिंति। परिणामदारुणमसासयं च जं ता अलं तेण।।४।।
४९.
जह कच्छुल्लो कच्छं, कंडूयमाणो दुहं मुणइ सुक्खं । मोहाउरा मणुस्सा, तह कामदुहं सुहं बिंति ।।५।।
समणसुत्त - भाग १
Jain Education International
For Private & Personal Use Only
www.jainelibrary.org
