________________
३१३. वज्जिज्जा तेनाहड-तक्करजोगं विरुद्धरज्जं च।
कूडतुलकूडमाणं, तप्पडिरूवं च ववहारं॥१३॥
३१४. इत्तरियपरिग्गहिया-ऽपरिगहियागमणा-णंगकीडं च।
परविवाहक्करणं, कामे तिव्वाभिलासं च।।१४।।
३१५-३१६. विरया परिग्गहाओ, अपरिमिआओ अणंततण्हाओ।
बहुदोससंकुलाओ, नरयगइगमणपंथाओ॥१५॥ खित्ताइ हिरण्णाई धणाइ दुपयाइ-कुवियगस्स तहा। सम्मं विसुद्धचित्तो, न पमाणाइक्कम कुज्जा॥१६॥
३१७. भाविज्ज य संतोसं, गहियमियाणिं अजाणमाणेणं।
थोवं पुणो न एवं, गिहिणस्सामो त्ति चिंतिज्जा॥१७॥
३१८. जं च दिसावेरमणं, अणत्थदंडाउ जं च वेरमणं।
देसावगासियं पि य, गुणव्वयाइं भवे ताइं॥१८॥
३१९. उड्ढमहे तिरियं पि य, दिसासु परिपाणकरणमिह
पढमं। भणियं गुणव्वयं खलु, सावगधम्मम्मि वीरेण ॥१९॥
३२०. वयभंगकारणं होइ, जम्मि देसम्मि तत्थ णियमेण।
कीरइ गमणणियत्ती, तं जाण गुणव्वयं विदियं ॥२०॥
८६
समणसुत्त - भाग १
Jain Education International
For Private & Personal Use Only
www.jainelibrary.org
