________________
ततो वत्ते बारससंवच्छरिए दुभिक्खे जणवएसु सुभिक्खं जायं । ततो तेहिं वायसेहिं संपहारेता वायससंघाडओ " जणवयं पलोएह " वि पेसिओ, जइ सुभिक्खं भविस्सइ तो गमिस्सामो।
सो य संघाडओ अचिरकालस्स उवलद्धी करेत्ता आगतो। साहति य वायसाणं जहा-'जणवएसुं वायसपिंडिआमो मुक्कमाणीओ अच्छंति, उहेह, बच्चामो ' त्ति।
ततो ते संपहारेति-किह गंतव्वं ! ति 'जइ आपुच्छामो नत्थि गमणं' एवं परिगणेत्ता कायंजले सहावेत्ता एवं वयासी
" मागिणेजा ! वच्चामो।" ततो तेहिं भणियं-"किं गम्मइ ! "। ततो मणंति
" न सकेमो पइदिवसं तुम्हं अहोभागं पासित्ता अणुहिए चेव सूरे"। एवं भणित्ता गया।
(वसुदेवहिण्डी-प्रथमखडम्)
१३ सुरप्पिओ जक्खो तेणं कालेणं तेणं समतेणं साकेयं णगरं । तस्स उत्तरपुरच्छिमे दिसिभागे सुरप्पिए नाम जक्खाययणे । सो य सुरप्पिओ जक्खो सन्निहियपाडिहेरो । सो वरिसे वरिसे चित्तिजइ । महो य से परमो कीरइ । सो य चित्तिओ समाणो तं चेव चित्तकर मारेइ । अह न चित्तिज्जइ तओ जणमारिं करेह ।
