________________
९४२ विसेसचुण्णि
[वयणपगयं दुविहं च फरुसवयणं, लोइय लोउत्तरं समासेणं । लोउत्तरियं ठप्पं, लोइय वोच्छं तिमं णातं ॥६०९९॥ "दुविहं च०" गाहा । ठप्पं नाम पच्छा भन्नइ । इमं लोइयं
अन्नोन्न समणुरत्ता, वाहस्स कुडुंबियस्स वि य धूया । तासिं च फरुसवयणं, आमिसपुच्छा समुप्पण्णं ॥६१००॥ केणाऽऽणीतं पिसियं, फरुसं पुण पुच्छिया भणति वाही । किं खू तुमं पिताए, आणीतं उत्तरं वोच्छं ॥६१०१॥
"अन्नोन्न०" ["केणाऽऽणीतं0"] गाहाद्वयम् । वाह-धूताए पोग्गलं आणीयं । कुडंबियधूयाए भण्णइ वाहधूया-केणेयं तं आणीयं ? इयरीए भणितं-कि तुम आणेहिसि? कुडंबियधूया भणइ-किं अहं वाहधूया ? एवं असंखडं जायं । पिसितं नाम पोग्गलं । इमं लोउत्तरियं -
फरुसम्मि चंडरुद्दो, अवंति लाभे य सेह उत्तरिए ।
आलत्ते वाहित्ते, वावारिय पुच्छिय णिसिटे ॥६१०२॥ [नि० ] “फरुसम्मि०" गाहा । अस्य व्याख्या
ओसरणे सवयंसो, इब्भसुतो वत्थभूसियसरीरो । दायण त चंडरुद्दे, एस पवंचेति अम्हे त्ति ॥६१०३॥ भूतिं आणय आणीते दिक्खितो कंदिउं गता मित्ता । वत्तोसरणे पंथं, पेहा वय दंडगाऽऽउट्टो ॥६१०४॥
"ओसरणे०" ["भूतिं आणय०"] गाहाद्वयम् । अवंतिजणवए लाभो सेहस्स समोसरणे सेहो उवट्ठिओ सेट्ठिपुत्तो पव्वावेह त्ति, साहूहिं णायं पवंचेह त्ति । तेहिं चंडरुद्दो दुदाइतो। एतस्स सगासे पव्वयाहि । तस्स उवट्ठितो । छारं आणेहिति भणितो । आणीतो । लोओ कतो । वत्ते समोसरणे, चंडरुद्देणं वुत्ते-पंथं पडिलेहिहि ! जेण पभाए वच्चामो' । पडिलेहिए पए जंतो खाणुए अफिडिओ, रुट्ठो । दुट्ठसेहे त्ति भणित्ता दंडओ उग्गिण्णो, मिच्छामि दुक्कडं ति सेहो करेइ । सो वि उवसंतो ।
तं पुण फरुसवयणं कहिं ठाणेहिं होज्ज ? १ आलत्ते, २ वाहित्ते, ३ वावारिते, ४
१. पए जामो - ड इ ।
