________________
भासगाहा-६०९०-६०९८] छट्टो उद्देसो
९४१ विरत्ता दिट्ठा सि कसेरुमई, अणुभूया सि कसेरुमई ।
सुत्तत्थाणं गहणं, अहगं काहं ततो पडिनियत्तो । जाति कुल देस कम्मं, पुच्छति खल्लाड धण्णागं ॥६०९४॥
"सुत्तत्थाणं०" गाहा । एयं सुणेत्ता तत्थ एगो साधू भणइ-अहं तस्स सगासं पत्थामि सुत्तत्थाणि घेच्छामि । तं च आयरियं ताओ दोसाओ विरमावेति । ताहे सो साहू आयरियो तस्स संगासं गंतुं भणइ-जो सो तुब्भं सीसो तं महब्भूयं । कओ तुब्भेहिं आराइयं? अहं तस्स आयरियसगासं सुत्तत्थाणं गहणं काहामि । ततो सो भणति-विदेसो गोब्बतरगामं । ताहे सो साधू गओ, पडिनियत्तो गोब्बरगामं गंतुं पुच्छइ-अमुयनामो तुब्भं गामाओ पव्वइओ कोइ? तेहिं गामेल्लएहिं भणितं-अस्थि । का तस्स माता पिता वा ? तेहिं भणियं-हावितस्स धणिया णाम दासी, सा खल्लाडो नामको कोलिओ सा तेण समं वुत्ता तीए पत्तो । ताहे सो तस्स सगासं गओ भणइ-अहं तव उवसंपज्जामि । पडिच्छओ सो तेणं । पुच्छिओ-का ते जाइ, माता-पिता वा? ताहे सो भणति
थाणम्मि पुच्छियम्मि, ह णु दाणि कहेमि ओहिता सुणधा । साहिसऽण्णे कस्स व, इमाइँ तिक्खाइँ दुक्खाइं ॥६०९५॥ वइदिस गोब्बरगामे, खल्लाङग धुत्त कोलियत्थेरो । पहाविय धणिय दासी, तेसिं मि सुतो कुणह गुज्झं ॥६०९६॥ जेट्ठो मज्झ य भाया, गब्भत्थे किर ममम्मि पव्वइतो । तमहं लद्धसुतीओ, अणु पव्वइतोऽणुरागेण ॥६०९७॥ आगारविसंवइयं, तं नाउं सेसचिंधसंवदियं । णिउणोवायच्छलियो, आउंटण दाणमुभयस्स ॥६०९८॥
"थाणम्मि०" ["वइदिस०" "जेट्ठो मज्झ०" "आगारविसंवइयं०'] गाहासिद्धं । ताहे सो चिंतेइ-उद्दो हं । मिच्छादुक्कडं करेइ । ताओ दोसाओ विरतो दाणं सुत्तत्थाणं। एरिसं खिसियवयणं ।
इदाणिं फरुसवयणं । तं दुविहं
१. पियं च ते पाणिययं, वरि तुह णाम न दंसणयं । इति श्लोकपश्चार्धम् मलवृ चू० । कसेरु = जलीयकन्दविशेषः (पासम पत्र - २३४) ।
