________________
विसेस
[ ववहारपगयं
"पाया व० 11 [" थेरा पुण ," "नव दस०" "तेसिं पच्चयहेडं० " ] वृत्तम् । वायानिमित्तं, बुद्धिहेतुं वा, पणीतो आहारो भुत्तो । वातियं नाम वियडं 'जिता वस्त्रवता सभा' इति कृत्वा । सो य वादी परायितो । तं च थेरा कारणं सयं जाणेज्जा, उवउत्तो अइसएणं । अन्नओ वा सोच्चा । अन्नो नाम सो चेव आलोएज्जा तदनुचरो वा जे तस्स बितिज्जया । उवगो नाम अन्नो कोति तिरिच्छावडितो न होइ तेसिं गच्छिल्लएएहिं अक्खातं एगतरेहिं जहा - अमुगं नाम एतेणं पडिसेवियं । किं च तं "पादा० " वृत्तं । पच्छा अपरिणामगपच्चयनिमित्तं । अहवालहुसओ ववहारो पट्ठविज्जइ । सो य ववहारो तिविहो - गुरुओ लहुओ लहुसओ
९३०
गुरुओ गुरुअतराओ, अहागुरूओ य होइ ववहारो । लहुओ लहुयतराओ, अहालहू होइ ववहारो ॥६०३९॥ लहुसो लहुसतराओ, अहालहूसो अ होइ ववहारो । एतेसिं पच्छित्तं, वुच्छामि अहाणुपुव्वीए ||६०४०॥ गुरुओ य होइ मासो, गुरुगतरागो बवे चउम्मासो । अहगुरुगो छम्मासो, गुरुगे पक्खम्मि पडिवत्ती ॥ ६०४१॥
"गुरुओ य० " [ "लहुसो लहु०" "गुरुओ य० " ] गाहा । जो गुरुओ सो पु तिविधो- गुरुओ गुरुगयरो अहागुरुगयरो । लहुगो लहुगयरो अधालहुगयरो |
गुरुओ नाम मासो सो अट्टमेण वहति । गरुगयरो चउम्मासो तं दसमेणं वहति । अधागुरु छम्मासो, तं दुवालसेणं वहति । हु
तीसा य पण्णवीसा, वीसा वि य होइ लहुयपक्खम्मि । पन्नरस दस य पंच य, अहालहुसगम्मि सुद्धो वा ॥ ६०४२॥
गुरुगं च अट्टमं खलु, गुरुगतरागं च होइ दसमं तु । अहगुरुग दुवालसमं, गुरुगे पक्खम्मि पडिवत्ती ॥ ६०४३॥
छट्टं च चउत्थं वा, आयंबिल एगठाण पुरिमड्डुं ।
निव्वीयं दायव्वं, अहालहुसगम्मि सुद्धो वा ॥ ६०४४॥
"तीसा य०" [ "गुरुगं च०" "छट्टं च०" ] गाहा । लहुओ तीसं दिवसा तं छणं
वहति । लहुयतराओ पणुवीसं दिवसा तं चउत्थेणं वहति । अहालहुओ वीसं दिवसा तं आयंबिलेणं वहति ।
