________________
[ ववहारपगयं ]
[सुत्तं] परिहारकप्पट्ठिए भिक्खू बहिया थेराणं वेयावडियाए गच्छेज्जा, से य आहच्च अइक्कमिज्जा, तं च थेरा जाणिज्जा अप्पणो आगमेणं अन्नेसिं वा अंतिए सुच्चा, ततो पच्छा तस्स अहालहुसए नाम ववहारे पट्टवेयव्वे सिया ॥५-४१॥
"परिहारकप्पट्ठिए०" सुत्तं उच्चारेयव्वं । सम्बन्धः
निक्कारणपडिसेवी, अजयणकारी व कारणे साहू |
अदुवा चिअत्तकिच्चे, परिहारं पाउणे जोगो ॥६०३३॥
“निक्कारणे०” गाहा । 'चियत्तकिच्चे' आरोगीभूतो वि तदेव पडिभोएणं उपजीवइ । एष सम्बन्धः ।
परिहारिओ य गच्छे, आसण्णे गच्छ वाइणा कज्जं ।
आगमणं तहिँ गमणं, कारण पडिसेवणा वा ॥ ६०३४ ॥
“परिहार०” गाहा । परिहारकप्पो पुव्वत्तो तम्मि ट्ठिओ परिहारकप्पट्ठिओ । सो य गच्छो पहिया थेराणं वेयावडियाए 'गच्छे' त्ति गच्छेज्ज । थे आयरिया किच्चं = वेयावडियं आसणे अण्णगणे वादिणा कज्जं । सो य वादलद्धिसंपण्णो । अण्णगच्छातो संघाडओ आगओ 'वादीए तु' त्ति तेण ण णिक्खित्तो परिहारो वहंतो गतो । तेण य वादिनिमित्तं इमेहिं कारणेहिं इमाणि पडिसेवियाणि होज्जा
=
पाया व दंता व सिया उ धोया, वाबुद्धिहेतुं व पणीयभत्तं । तं वातिगं वा मइसत्तहेउं, सभा जयट्ठा सिचयं व सुक्कं ||६०३५॥ थेरा पुण जाणंती, आगमओ अहव अण्णओ सुच्चा । परिसाए मज्झम्मि, पट्टवणा होइ पच्छित्ते ||६०३६॥ नवदसचउदसओहीमणनाणी केवली य आगमिउं । सो चेवऽण्णो उ भवे, तदणुचरो वा वि उवगो वा ॥६०३७॥
तेसिं पच्चयहेडं, जे पेसविया सुयं व तं जेहिं । भयउ सेसगाण य, इमा उ आरोवणारयणा ||६०३८ ॥
