________________
८९८ विसेसचुण्णि
[आहारविहिपगयं “ओमाण०" ["तो कुज्जा०"] गाहाद्वयम् । अतिसंभ्रमात् सो साहू मुज्झति ओमे सति कालो ताव फिट्टइ वेला वा । एवं न पेहेज्ज जं भणियं संसत्तए सुक्कोदणो वीसुं घेत्तव्वो, तं पि वीसुं गेण्हेज्जंति । 'सव्वे वि सुक्खगहणे' त्ति । तान्येव बीइयपदकारणाणि जाणि अपेक्खमाणस्स गेलन्नद्धाण-ओमोयरियाओ ताओ वीसुं सुक्खगहणस्स वि वत्तव्वाओ । एयस्स इमाओ विभासागाहाओ इमाओ दोण्णि वि।
वीसुं घेप्पइ अतरंतगस्स बितिए दवं तु सोहेति । तेण उ असुक्खगहणं, तं पि य उण्हेयरे पेहे ॥५८८९॥ अद्धाणे ओमे वा, तहेव वेलातिवातियं णातुं । दुल्लभदवे वा मा सिं, धोवणपियणा ण होहिंति ॥५८९०॥
"वीसुं घेप्पइ०"["अद्धाणे ओमे०"] गाहा । सगिलाणपदस्स भायणं णत्थि जत्थ वीसं घेप्पिहिति । तं पि उण्हं गिण्हंति, इयरं शीतलं, तं पडिलेहेंति, अद्धाणे ओमोदरियाणं इमं अद्धं । अद्धाणे पुव्वद्धं । अद्धाणं वट्टइ ओमोदरिया वा वेला फिट्टइ । 'दुल्लभदव 'त्ति अस्य व्याख्या। 'दुल्लभदव' पच्छद्धं । अहवा इमेण कारणेण दुल्लभं द्रवं पच्छा न लब्भइ, तेण पुव्वं घेप्पइ तेण णत्थि भाणं । जइ जुययं सुक्खयं गेण्हिहिति 'दोसु वि जयण' त्ति अपेहणे असुक्खगहणे य एसा वुत्ता।
आउट्टिय संसत्ते, देसे गेलण्णऽद्धाण कक्खडे अखिप्पं । इयराणि य अद्धाणे, कारण गहिते य जतणाए ॥५८९१॥ आउट्टि गमण संसत्त, गिण्हणं न य विविंचए खिप्पं ।
ओम गिलाणे वेला, विहम्मि सत्थो वइक्कमइ ॥५८९२॥ "आउट्टिय०" ["आउट्टि०"] गाहा । अस्य व्याख्या
असिवादी संसत्ते, संकप्पादी पदा तु जह सुज्झे। संसट्ठ सत्तु चाउल, संसत्तऽसती तहा गहणं ॥५८९३॥
"असिवादी०" गाहा । जहा असिवादीहिं कारणेहिं आउट्टियाए वि तं देसं संकप्पादीणि करेंतो सुद्धो, एवं तहा तस्मिन्नेव गतः असंसत्तं न लब्भति । ताहे संसट्ठपाणयं वा चाउलोदयं वा। एयाणि वा संसत्ताणि सत्तुगा वा संसत्ता य गेण्हेज्जा । एवं गहिते खिप्पमवि ण विगिचेज्ज ।
१. न इत्यधिकम् इ । २. तं चेव मुच ।
