________________
८९७
भासगाहा-५८७७-५८८८]
पंचमो उद्देसो तत्थ न चेव घेप्पंति, अह ण संथरंति तो तद्दिणमसंथरंता बिइयतइयदिणे कया वि ते पुण वीसुं वीसुं घेप्पंति । चउदिणकया एगत्थ घेप्पंति । तेसिं इमा पडिलेहणविही - रयत्ताणं हिट्ठा पत्थरेत्ता उवरिं पडलं । तत्थ पेहणविभासा ।
नव पेहातों अदिडे, दिडे अण्णाओं होंति नव चेव । एवं नवगा तिण्णि, तेण परं संथरे उज्झे ॥५८८२॥
"नव पेहातों०" गाहा । अह नवमियाए वेलाए दिट्ठा पाणजातिया तो पुण णववेलाए, एवं तिहिं वेलाहिं जइ न सुद्धा जइ संथरती परिवेति । अह ण संथरेंति तो ताव पडिलेहेंति जाव सुद्धा । पाणजायाणं इमा पारिद्धावणिया विही -
आगरमादी असती, कप्परमादीसु सत्तुए उरणी । पिंडमलेवाडाण य, कातूण दवं तु तत्थेव ॥५८८३॥
"आगरमादी०" गाहा । जइ य दवभायणं णत्थि तो जे सुझंति सत्तुगा अलेवाडा य ते पिंडं काउं भायणस्स एगपासे चप्पेत्ता तत्थेव दवं गेण्हंति । जत्थ अंबिलं संसज्जति तत्थ
आयामु संसट्ठसिणोदगं वा, गिण्हंति वा णिव्वुत चाउलोदं । गिहत्थ भाणेसु व पेहिऊणं, मत्ते व सोहेत्तुवरि छुभंति ॥५८८४॥ "आयामु०" वृत्तार्धम् । अहवा अंबिलमेव । 'गिहत्थ' पच्छद्धं । बितियपद अपेक्खणं तु, गेलण्णऽद्धाणओममादीसु । तं चेव सुक्खगहणे, दुल्लभ दव दोसु वी जयणा ॥५८८५॥ "बितिय०" गाहा । गेलण्णे ताव भण्णति
अच्चातुर सम्मूढो, वेलाऽतिक्कमति सीयलं होइ । असढो गिण्हण गहिते, सुज्झेज्ज अपेक्खमाणो वि ॥५८८६॥
"अच्चातुर०" गाहा । 'गिण्हण'त्ति गिण्हंतओ वि न पेहेज्जा । एतेहिं कारणेहिं अप्पत्तं गहितं पडितं वा न पासेज्ज । अद्धाण ओमोदरियाणं इमं वक्खाणं
ओमाणपेल्लितो वेलऽतिक्कमो चलिउमिच्छति भयं वा । एवंविहे अपेहा, ओमे सतिकाल ओमाणे ॥५८८७॥ तो कुज्जा उवओगं, पाणे दट्ठण तं परिहरेज्जा। कुज्जा ण वा वि पेहं, सुज्झइ अतिसंभमा सो तु ॥५८८८॥
