________________
भासगाहा-५८२२-५८२८] पंचमो उद्देसो
८८५ दुइज्जंति । आहिंडगा विहरंता । आहिंडगा दुविहा-उवएसे अणुवएसे य । उवएसे जो सुत्तत्थाणं गहणं काउं भविस्सायरियो देसदरिसणं करेइ । ते कारणे जयणाए गेण्हंता सुद्धा । अणुवदेसिया जे चक्क-थूभादीणि हिंडंति । विहरंता दुविहा-गच्छगया गच्छनिग्गया य । गच्छणिग्गया जिणकप्पियादी । गच्छवासिणो उडुबद्धे मासं मासेणं विहरंति । एएसिं साहूणं इमे अणुदित अत्थमिते लग्गंति ।
णिक्कारणियाऽणुवदेसिगा य लग्गंतऽणुदिय अत्थमिते । गच्छा विणिग्गता वि हु, लग्गे जति ते करेज्जेवं ॥५८२६॥
"णिक्कारणिया०" गाहा । गच्छणिग्गया वि अणुदियत्थमिते य जइ गेहंति तो लग्गंति पच्छित्तेणं । णियमा पुण ते अणुदितत्थम्मिते ण गेण्हंति । एवं असंथडिओ णिव्वितिगिंछो गओ।
इदाणि वितिगिच्छो पुण कहिं होज्ज ? अब्भसंथडे इमो य सत्थो तुरियं पहाविओ । इमो य निमंतिज्जइ।
अहवा तेसिं ततियं, अप्पत्तो अणुदितो भवे सूरो । पत्तो तु पच्छिमं पोरिसिं च अत्थंगतो होति ॥५८२७॥ वितिगिच्छ अब्भसंथड, सत्थो उ पहावितो भवे तुरियं ।
अणुकंपयाएँ कोई, भत्तेण निमंतणं कुज्जा ॥५८२८॥
["अहवा तेसिं०" "वितिगिच्छ०"] गाहा । आरोवणा य जहा हेट्ठा तवासंथडिए गेलण्णासंथडिए निव्वितिगिच्छे पायच्छित्तं भणियं तहा वितिगिंछे वि, नवरं तत्थ ताणि पायच्छित्ताणि उभयगुरुणि एत्थ उभयलहणि ।
[संथडनिव्वितिगिच्छपगयं समत्तं ]
