________________
८८४
विसेसचुण्णि
[संथडनिव्वितिगिच्छपगयं उगगयमणुग्गते वा, गीतत्थो कारणे णऽतिक्कमति ।। दूताऽऽहिंड विहारी, ते वि य होंती सपडिपक्खा ॥५८२३॥ दूइज्जंता दुविधा, णिक्कारणिगा तहेव कारणिगा। असिवादी कारणिता, चक्के थूभाइता इतरे ॥५८२४॥ उवदेस अणुवदेसा, दुविहा आहिंडगा मुणेयव्वा । विहरंता वि य दुविधा, गच्छगता निग्गता चेव ॥५८२५॥
"अद्धाणासंथडीए०" ["उगगयमणुग्गते.'' "दूइज्जंता०'' "उवदेस अणुवदेसा०"] गाहा । तत्थ पढमं मज्झे भणइ । संलेहे दस राइंदिया, पंचसु लंबणएसु पन्नरस राइंदिया, दससु लंबणेसु वीस राइंदिया, पन्नरससुं लंबणेसु भिन्नमासो, वीसाए लंबणेसु मासलहुं, पणवीसाए लंबणेसु दो मासलहू । एवं भिक्खुस्स सत्तहिं वाराहिं मूलं, उवज्झायस्स पण्णरसादि सत्तिं वाराहिं अणवढे ठाइ, आयरियस्स वीसादी सत्तहिं वाराहिं पारंचिए ठाइ । एयं दव्वे । भावे एयं चेव पडिलोमं भाणियव्वं । मज्झे गयं ।
इदाणि पवेसे उत्तण्णे य भण्णइ
उत्तिण्णे पवेसेयव्वं, समुद्दिटुं संलेहासेसं ताहे णायं - अणुग्गओ अत्थमिओ वा - तं संलिहइ पंच राइंदिया, पंच लंबणेसु दस राइंदियाई, दसहि लंबणेहिं पण्णरस राइंदिया, पन्नरसहि लंबणेहिं वीस राइंदिया, वीसाए लंबणेहिं भिण्णमासो, पणुवीसाए लंबणेहिं मासलहुँ। एयं एक्कसि एक्केक्के ठाणगं वढेंतेणं अट्ठहि वाराहिं मूले ठाइ । एयं भिक्खुस्स । उवज्झायस्स दस राइंदियादी अट्ठहिं वाराहिं अणवढे ठाइ । आयरियस्स पण्णरस राइंदियादि अट्ठहिं वाराहिं पारंचिए ठाइ । भावपडिलोमं ।
सीसो पुच्छइ-कहं अद्धाण संथडिया मज्झे खिप्पं सपदं पाविया ? पवेसुत्तारे चिरेणं सपदं पाविया? अत उच्यते-मज्झे अब्भत्थतं आदीए अणब्भत्तं उत्तारे परिस्संता । एत्थ सव्वाओ एक्केक्काओ पदाओ आणादिणो दोसा, राईभोयणदोसाओ। कस्स पुण एयं पच्छित्तं? उच्यतेअगीयस्स भिक्खुस्स । जो पुण गीतत्थो सो उग्गए वा अणुग्गए वा कारणे जयणाए आयरंतो अदुट्टो अरत्तो गेण्हंतो भुंजमाणो य णाइक्कमइ । ते पुण तिविहा - दूइज्जंतगा वा आहिंडंतगा वा विहरंतगा वा।
दुइज्जता दुविहा–कारणिया णिक्कारणिया य । असिवादी कारणिया असिवादीसु, अहवा उवहिकारणा । लेवस्स वा बहुगुणं वा गच्छे आयरियादि आगाढे । एतेहिं कारणेहिं कारणिया गेण्हंतगा य भुंजंतगा य सुद्धा । णिक्कारणिया असिवादीसु वज्जिया गच्छाओ तइया
