________________
भासगाहा-५८०५-५८१४] पंचमो उद्देसो
८८१ अत्थमिए वा गहियं । जइ पुणो सो जाणतो अणुग्गओ अत्थमितो वा तेण चेवं गेण्हंतो एवं णाउं ताहे जं मुहे तं खेल-मल्लए जं वणे तं पडिग्गहए थंडिल्ले विकिंचमाणो विसहेमाणो तं णातिक्कमइ धम्मं । जेणं संकप्पो सुद्धो । तं पुण इमेसु णायं होज्जा ।
गेण्हण गहिए आलोयण, नोक्कारे भुंजणे य संलेहे। सुद्धो विगिंचमाणो, अविचिंचण सोहि दव्व भावे य ॥५८१०॥
"गेण्हण०" गाहा । गवसंतेणं जइ णायं-अणुग्गओ अत्थमिओ वा तो णियत्तति, अह गहिए णायं जं गहियं तं विगिंचइ सुद्धो । अह आलोएंतेण णायं विगिंचमाणो सुद्धो । भुंजिउकामेण णायं, णमोक्कारं करेंतेणं णायं, विगिचिंतो सुद्धो । भुंजंतेणं नायं सेसं विगिंचमाणो सुद्धो । अह सव्वम्मि भुत्ते संलेहे सुद्धे णातं परिढुवेंतो सुद्धो । संलेहो तिन्नि लंबणा ।
संलेह पण तिभाए, अवड्ढ भाए पंच मोत्तु भिक्खुस्स । मास चउ छच्च लहुगुरु, अभिक्खगहणे तिसू मूलं ॥५८११॥ एमेव गणाऽयरिए, अणवठ्ठप्पो य होति पारंची। तम्मि वि सो चेव गमो, भावे पडिलोम वोच्छामि ॥५८१२॥ पंचूण तिभागद्धे, तिभाग सेसे य पंचमोत्तुं संलेहं । तम्मि वि सो चेव गमो, णायं पुण पंचहि गतेहिं ॥५८१३॥ एमेवऽभिक्खगहणे, भावे ततियम्मि भिक्खुणो मूलं । एमेव गणाऽऽयरिए, सपया सपदं हसति इक्कं ॥५८१४॥
"संलेह पण." ["एमेव गणा०" "पंचूण तिभाग०" "एमेवऽभिक्खगहणे०"] गाहा । अह संलिहिइ मासलहुँ, अह पंचहि सेसेहिं भुंजइ :: (चतुर्लघु), पण्णरससेसाहिं भुंजइ :: । (चतुर्गुरु), वीसा लंबणा सेसा भुंजइ ::: (षड्लघु), पणुवीसा लंबणा सेसा भुंजइ ::: । (षड्गुरु), एवं दव्वणिप्फण्णं, जहा जहा दव्वं वड्डइ तहा तहा पच्छित्तं वड्डइ । एवं एक्कसि बीयावारे भुंजइ मासगुरुआओ आढत्तं छेदे ठाइ । तइयवारा चउलहुगाओ आढत्तं मूले ठाइ।
___ तइयं वाराओ चउगुरुगा आढत्तं वणवद्धे ठाइ । आयरियस्स एक्केसिं चउलहुगाओ आढत्तं मूले ठाइ । बिइयं वारा चउगुरुगाओ आढत्तं अणवढे ट्ठाइ । तइयं वारा छल्लहुगाओ आढत्तं पारंचिए ठाइ । एवं दव्वणिप्फणं गयं ।
१. सेसे इति भाव्यम् ? चू० । २. अणवढे इति भाव्यम् ? ।
