________________
भासगाहा-५७९४-५८०५] पंचमो उद्देसो
८७९ आदिल्लाहिं तहिं असुद्धा । अंतिमे सुद्धा । अणुग्गयमणसंकप्पे, अणुग्गयगवेसी, उग्गयगाही, उग्गयभोयी ३। अणुग्गयमणसंकप्पे उग्गयगवेसी, उग्गयगाही, उग्गयभोयी ४ । एया अविसुद्धणं भावेण चत्तारि लता गया ।
इदाणिं सुद्धेणं भावेणं चत्तारि लयाओ, सो आइच्चो उग्गओ वा अणुग्गओ वा नियमा उग्गयं मण्णइ।
उग्गतमणसंकप्पे, अणुदित गवेसी य गहण भोगी य। एमेव य बितियलया, सुद्धा आदिम्मि अंते य ॥५८००॥ ततिय लताएँ गवेसी, होइ असुद्धो उ सेसगा सुद्धा ।
सव्वविसुद्धा उ भवे, चउत्थलतिया उदियचित्ते ॥५८०१॥
"उग्गयमणसंकप्पे०" ["ततिय लताएँ."] गाहाद्वयम् । उग्गयमणसंकप्पे, अणुग्गयगवेसी, अणुग्गयगाही अणुग्गयभोयी १ । बितियलयाए आदिम्मि अंते सुद्धो, मज्झे दोसु असुद्धा २ । तइयलता अणुग्गयगवेसी, सेसा तिण्णि सुद्धा । चउत्थो चउहिं वि सुद्धो, एयाओ चत्तारि वि सुद्धाओ । जेण संकप्पो सुद्धो ।
अत्थंगयसंकप्पे, पढम धरेंतेसि गहण भोगी य । दोसंतेसु असुद्धा, बितिया मज्जे भवे सुद्धा ॥५८०२॥ ततिया गवसणाए, होति विसुद्धा उ तीसु अविसुद्धा । चत्तारि वि होंति पदा, चउत्थलतियाएँ अत्थमिते ॥५८०३॥ अणत्थगयसंकप्पे, पढमा एसी य गहण भोगी य। मण एसि गहण सुद्धा, बितिया अंतम्मि अविसुद्धा ॥५८०४॥ मण एसणाए सुद्धा, ततिया गह-भोयणेसु अविसुद्धा ।
संकप्पे नवरि सुद्धा, तिसु वि असुद्धा उ अंतिमया ॥५८०५॥
"अत्थंगयसंकप्पे०" ["ततिया गवेसणाए०" "अणत्थगयसंकप्पे०" "मण एसणाए०" ] गाहाओ । चत्तारि सुद्धाओ, चत्तारि असुद्धाओ । तत्थ जाओ असुद्धाओ तासिं इमो विभागो । सो अत्थमियं अणत्थणि वा सूरियं नियमा अत्थमिअं मण्णइ । अत्थमिअसंकप्पो अणत्थणिअगवेसी, अणाथमियागाही अणत्थमियभोई । बिया आदिए अंते य असुद्धो मज्झिमासु दोसु सुद्धो । तइया गवेसणाए सुद्धा सेसेसु तिसु असुद्धा । चउत्थलता चउत्थ वि असुद्धा ।
