________________
८७३
भासगाहा-५७६९-५७७८]
पंचमो उद्देसो संवच्छरं च रुटुं, आयरियो रक्खए पयत्तेण ।
जति णाम उवसमेज्जा, पव्वयरातीसरिसरोसो ॥५७७३॥ "संवच्छरं च०" गाहा उक्तार्था । निच्छुद्धं समाणं
अण्णे दो आयरिया, एक्केक्कं वरिसमेत्तमेअस्स । तेण परं गिहि एसो, बितियपदं रायपव्वइए ॥५७७४॥
"अण्णे दो आयरिया०" गाहा । एक्को वि एक्कं वरिसं बिइओ वि एक्कं वरिसं। एएसु दोसु वरिसेसु पूर्ववत् सारणा, एएसिं जेण उवसामिओ तस्सेव सो सीसो आभवइ । जइ दोण्हं आयरियाणं दोण्णि वरिसेहिं न उवसमतो ताहे संघसमवायं काउं लिंगं से हीरइ । बिइयपदे ण हीरेज्जा वि, रायपव्वइओ मा पत्थारदोसं कुज्जा । एवं ताव भिक्खुस्स ।
एमेव गणायरिए, गच्छम्मि तवो उ तिन्नि पक्खाई।
दो पक्खा आयरिए, पुच्छा य कुमारदिटुंतो ॥५७७५॥
“एमेव गणायरिए०" गाहा । गणिस्स तिण्णि पक्खो तवो, तिण्णि पक्खो छेदो । तत्थ इमो विधी
पणयाल दिणा गणिणो, चउहा काऊण साहिएक्कारा ।
भत्तट्ठण सज्झाए, वंदण लावे य हावेति ॥५७७६॥
"पणयाल दिणा०" गाहा । तिण्णि पक्खा पंचचत्तालीसं दिवसा भवंति । एते चउहा कता चत्तारि पक्खा एक्कारसया, एते पढमे एक्कारसए सव्वहा संभुंजंति, बितिए एक्कारसए भत्तट्ठणं वज्जेंति, तइए सज्झायं वज्जेंति चउत्थए वंदणालावं करेंति । चउत्थातो परेणं वंदणालावं पि वज्जेंति । आयरियो संवच्छरं, तहेव चत्तारि चत्तारि मासा छेदो पंचराइंदिओ।
तीस दिणे आयरिए, अद्धट्ठ दिणे य हावणा तत्थ । गच्छेण चउपदेहि तु, निच्छूढे लग्गती छेदो ॥५७७७॥
"तीस दिणे०" गाहा । आयरियस्स दो पक्खाते तीसं दिवसा भवंति । ते चउहा कया अद्धट्ठमा अद्धट्ठमा दिवसा भवंति । भत्तट्ठाणादि चत्तारि पगारा भाणियव्वा । परतो मासस्स गच्छो सव्वहा वज्जइ।
संकेतो अण्णगणं, सगणेण य वज्जितो चतुपदेहिं । आयरियो पुण नवरिं, वंदणलावेहि णं सारे ॥५७७८॥
