________________
भासगाहा-५७६१-५७६८] पंचमो उद्देसो
८७१ उवसमाहि अज्जो ! तवच्चएणं साहुणो न पट्ठवेंति । एवं न भणति-मासगुरुं । एवं भणिओ जइ सो भणइ-नूणं कालो न सुद्धो परिजियं वा सुत्तं, तो नो पट्ठवेंति । एवं भणंतस्स मासगुरुं । ताहे पट्ठवेंति पढंति य । काले पडिक्कंते भिक्खवेलाए जायाए ताहे भणंति-अज्जो ! उवसमाहि, साधुणो तहच्चयेणं भिक्खं न हिंडंति । एवं न भणंति मासगुरुं । अह सो भणइ-नूणं अब्भत्तट्ठियाण वा वेला । एवं भणंतस्स मासगुरू । हिंडिउमागओ भाणियव्वो-उवसमाहि अज्जो। तुब्भच्चएण न समुद्दिसंति । ताहे सो भणइ-नूणं आइण्णं मासगुरुं । रतिं पडिक्कमणवेलाए तुब्भच्चएणं ण पडिक्कमइ त्ति । ताहे सो भणइ-नूणं निरइयारो । एवं गोसे उप्पण्णे अहिकरणे चउहि वेलाहिं अणुवसंते एक्कहिं मेलिए चत्तारि गुरुगा मासा भवंति । अह पढमवेलाए उवसमेइ सुद्धो । अह बितीयवेलाए एक्कं मासगुरुं, तइयवेलाए दोण्णि, चउत्थवेलाए चेव उवसंतस्स तिण्णि मासगुरुगा।
अन्नम्मि वि कालम्मि, पढंत हिंडंत मंडली वासे। तिन्नि व दोन्नि व मासा, होति पडिक्कंतें गुरुगा उ॥५७६५॥
"अन्नम्मि वि०" गाहा । जइ बिइयवेलाए उप्पन्नं अहिक रणं होज्जा, चउत्थवेलाए अणुवसंतस्स तिण्णि मासा । तइयवेलाए उप्पण्णे अणुवसंतस्स दोण्णि मासा । एवं विभासा।
एवं दिवसे दिवसे, चाउक्कालं तु सारणा तस्स । जति वारेण सारेती, गुरुगो गुरुगो तती वारे ॥५७६६॥ एवं तु अगीतत्थे, गीतत्थे सारिए गुरू सुद्धो।
जति तं गुरू ण सारे, आवत्ती होइ दोण्हं पि ॥५७६७॥
"एवं दिवसे०" ["एवं तु०"] गाहा । अणुवसंतो दिवसे दिवसे चउहि वेलाहिं सारेयव्वो । एत्थ वि तहेव पच्छित्तं विभासा । एवं जत्तिया वारा आयरिओ ण सारेइ तत्तिया आयरियस्स मासगुरुगा। केइ आयरिया एवं इच्छंति-अगीतत्थेणं जं कयं अहिगरणं तत्थ असारणे आयरियस्स पच्छित्तं । अहिकरणइत्तस्स णत्थि पुंजण' गीतत्थेणं कयं अहिकरणं तत्थ सारणे गुरू मुक्को, इयरो लग्गइ अणुवसंतो । अह ण सारेइ आयरिओ दो वि लग्गति ।
गच्छो य दोन्नि मासे, पक्खे पक्खे इमं परिहवेति ।
भत्तदण सज्झायं. वंदण लावं ततों परेणं ॥५७६८॥ "गच्छो य०" गाहा । दोसु मासेसु चत्तारि पक्खा । तत्थ पढमपक्खे एगट्ठा भुंजंति देंति
१. पुण जं इति भाव्यम् ?
