________________
८६८
विसेसचुणि
आयरिओं एग न भणे, अह एग णिवारें मासियं लहुगं । रागद्दोसविमुक्को, सीतघरसमो उ आयरिओ ॥ ५७४८॥ " आयरिओ एग ण भणे० " गाहा ।
वारेइ एस एतं, ममं न वारेति पक्खराएणं । बाहिर भावं गाढतरगं च मं पेक्खसी एक्कं ॥ ५७४९ ॥ "वारेइ एस एतं ० " गाहा । ताहे सो -
खरफरुसनिडुराई, अध सो भणिउं अभाणियव्वाइं । निग्गमण कलुसहियए, सगणे अट्ठा परगणे वा ॥५७५०॥
"खरफरुस ० " गाहा । अस्य व्याख्या
उच्चं सरोस भणियं, हिंसगमम्मवयणं खरं तं तू । अक्कोस णिरुवचारिं, तमसब्भं णिडुरं होती ॥५७५१॥
"उच्चं सरोस० " गाहा ।
सगणम्मि पंचराइंदियाइँ भिक्खुस्स तद्दिवस छेदो । दस होंति अहोरत्ता, गणि आयरिए य पण्णरस ॥५७५२॥
अण्णगणे भिक्खुस्सा, दसेव राइंदिया भवे छेदो ।
पण्णरस अहोरत्ता, गणि आयरिए भवे वीसा ॥५७५३॥
[ अहिगरणपगयं
"सगणम्मि० " [ " अण्णगणे० " ] गाहा । एवं सो कलुसहियओ सगच्छाओ सगणे
अट्ठ, परगणे अट्ठ | एवं निग्गयस्स आयरिओ पायच्छित्तविभागं दाएउकामो ठवणं ठवेइ । एत्थ
गाहा
अट्ठऽट्ठ अद्धमासा, मासा होंतऽट्ठ अट्ठसु पयारो । वासासु असंचरणं, ण चेव इयरे वि पेसंति ॥५७५४॥
"अट्ठऽट्ठ०" आयरियसंतिया अट्ठ फड्डगा, परगणिच्चया वि संभोइया अट्ठ, अण्णसंभोइया वि अट्ठ। एताणि तिण्णि ठाणाणि, चउत्थं ओसण्णा । एएस फड्डएस उडुबद्धे संकमंतस्स पायच्छित्तविसेसो भण्णिहिति । एसु पुण उडुबद्धिएस अट्ठसु मासेसु पयारो भवति, संकमणमित्यर्थः । वासासु चउसु मासेसु नत्थि संचरणं चेव । "ण यावियरो दोसो " त्ति जम्मि फड्डए संकमति तेण पेसिंति इयरे (पण्ण) पण्णविता असंचरणं ति काउं जओ आगओ
