________________
भासगाहा-५७२२-५७४७] पंचमो उद्देसो
८६७ णागा ! जलवासीया !, सुणेह तसथावरा ! । सरडा जत्थ भंडंति, अभावो परियत्तई ॥५७३९॥ वणसंड सरे जलथलखहचरवीसमण देवता कहणं । वारेह सरडुवेक्खण, धाडण गयणास मूरणता ॥५७४०॥ "णागा !" ["वणसंड सरे०" ] गाहासिद्धं । इमे य दोसातावो भेदो अयसो, हाणी दंसणचरित्तनाणाणं । साहुपदोसो संसारवड्ढणो साहिकरणस्स ॥५७४१॥ "तावो०" गाहा । अस्य व्याख्या
अतिभणित अभणिते वा, तावो भेदो य जीव चरणे वा । रूवसरिसं ण सील, जिम्हं व मणे अयसों एवं ॥५७४२॥ अक्कुट्ठ तालिए वा, पक्खापक्खि कलहम्मि गणभेदो । एगतर सूयएहिं व, रायादीसिढे गहणादी ॥५७४३॥ वत्तकलहो उ ण पढति, अवच्छलत्ते य सणे हाणी ।
जह कोहादिविवड्डी, तह हाणी होइ चरणे वि ॥५७४४॥
"अतिभणित०" ["अक्कुट्ट तालिए०" "वत्तकलहो उ०"] गाहासिद्धं । जम्हा एए दोसा तम्हा -
आगाढे अहिगरणे, उवसम अवकड्ढणा य गुरुवयणं । उवसमह कुणह झायं, छड्डणया सागपत्तेहिं ॥५७४५॥ "आगाढे०" गाहा । अस्य व्याख्याजं अज्जियं समीखल्लएहिँ तवनियमबंभमइएहिं । तं दाइँ पच्छ नाहिसि, छड्डेतो सागपत्तेहिं ॥५७४६॥ जं अज्जियं चरित्तं, देसूणाए वि पुव्वकोडीए। तं पि कसाइयमेत्तो, णासेइ णरो मुहुत्तेणं ॥५७४७॥
"जं अज्जियं०""जं अज्जियं०" गाहा । एवं पण्णविज्जइ । अविहिवारणे पुण इमे दोसा
