________________
९९७
भासगाहा-६४१५-६४३०]
छट्ठो उद्देसो तवारिहं चेव दिज्जइ । तत्थ वि जं आवण्णो तं चेव दिज्जइ ।
जं जो उ समावण्णो, जं पाउग्गं व जस्स वत्थस्स । तं तस्स उ दायव्वं, असरिसदाणे इमे दोसा ॥६४२१॥ "जं जो उ" गाहा । कण्ठ्या ।
अप्पच्छित्ते य पच्छित्तं, पच्छित्ते अतिमत्तया । धम्मस्साऽऽसायणा तिव्वा, मग्गस्स य विराहणा ॥६४२२॥ उस्सुत्तं ववहरंतो, कम्मं बंधति चिक्कणं । संसारं च पवड्डेति, मोहणिज्जं च कुव्वती ॥६४२३॥ उम्मग्गदेसणाए य, मग्गं विप्पडिवातए । परं मोहेण रंजिंतो, महामोहं पकुव्वती ॥६४२४॥
"अप्पच्छित्ते०" ["उस्सुत्तं०" उम्मग्गदेसणाए०"] गाहात्रयम् । जेट्ठ त्ति गतं । इदाणिं पडिक्कमणं
सपडिक्कमणो धम्मो, पुरिमस्स इ पच्छिमस्स य जिणस्स । मज्झिमयाणं जिणाणं, कारणजाए पडिक्कमणं ॥६४२५॥ गमणाऽऽगमण वियारे, सायं पाओ य पुरिमचरिमाणं । नियमेण पडिक्कमणं, अतियारो होउ वा मा वा ॥६४२६॥ अतिचारस्स उ असती, णणु होति णिरत्थयं पडिक्कमणं । ण भवति एवं चोदग !, तत्थ इमं होति णातं तु ॥६४२७॥ सति दोसे होअगतो, जति दोसो णत्थि तो गतो होति । बितियस्स हणति दोसं, न गुणं दोसं व तदभावा ॥६४२८॥ दोसं हंतूण गुणं, करेति गुणमेव दोसरहिते वि । ततियसमाहिकरस्स उ, रसातणं डिंडियसुतस्स ॥६४२९॥ जति दोसो तं छिंदति, असती दोसम्मि निज्जरं कुणई । कुसलतिगिच्छरसायणमुवणीयमिदं पडिक्कमणं ॥६४३०॥ “सपडिक्कमणं०" ["गमणाऽऽगमण" "अतिचारस्स उ०" "सति दोसे
