________________
९९६ विसेसचुण्णि
[कप्पट्टिइपगयं “पारंचि०१" चरित्तवंतत्वात् पारंचिय अणवट्ठचरित्तवंता च एगो, दंसणवंतो बितियो, चियत्तकिच्चो तइयो, सेहो चउत्थो ।
इदाणिं एतेसिं को उवट्ठावेयव्वो ण व त्ति तं भण्णइ
केवलगहणा कसिणं, जति वमती दंसणं चरित्तं वा । तो तस्स उवट्ठवणा, देसे वंतम्मि भयणा तु ॥६४१५॥ "केवलगहणा०" गाहा । तत्थ देसे इमं होज्ज - एमेव य किंचि पदं, सुयं व असुयं व अप्पदोसेणं ।
अविकोवितो कहितो, चोदिय आउट्ट सुद्धो तु ॥६४१६॥
"एमेव य०" गाहा । 'अप्पदोसेणं' ति अदोसेणं जेहिं दंसणं वंतं तेहिं आभोएण वा अणाभोएण वा । तत्थ अणाभोएणं
अणाभोएण मिच्छत्तं, सम्मत्तं पुणरागते । तमेव तस्स पच्छित्तं, जं मग्गं पडिवज्जई ॥६४१७॥
"अणाभोगेण" गाहा । एगो सड्ढो अणाभोएण णिण्हगाणं सगासे पव्वइओ । सो केणइ साहुणा दटुं भणिओ-किं तुमं णिण्हयाण सगासे पव्वइओ? भणिअंणेण-ण मए विसेसो णाओ तेण एतेसिं सगासे पव्वइओ । ताहे सो मिच्छा दुक्कडं काउं विसुद्धदंसणीण सगासे उवसंपन्नो । तस्स तमेव पच्छित्तं जं संजमं पडिवज्जइ तस्स । सो चेव परियाओ णिण्हइयव्वो।
आभोगेण मिच्छत्तं, सम्मत्तं पुणरागते । जिण थेराण आणाए, मूलच्छेज्जं तु कारए ॥६४१८॥ "आभोगेण०" गाहा । कण्ठ्या । निह्नएसु गतो । एवं दंसणे । इदाणि चरित्ते देसे । छण्हं जीवनिकायाणं, अणप्पज्झो तु विराहओ ।
आलोइयपडिक्कंतो, सुद्धो हवति संजओ ॥६४१९॥ "छण्हं०" गाहा । अणपज्जो अणप्पवसो खित्ताई । छण्हं जीवनिकायाणं, अप्पज्झो उ विराहतो ।
आलोइयपडिक्कंतो, मूलच्छेज्जं तु कारए ॥६४२०॥ "छण्हं०" गाहा । 'अप्पज्झो' सयंवसो । वाग्रहणात् जइ तवारिहं आवण्णो सो
१. दंसणम्मि मुच ।
