________________
९९१
भासगाहा-६३७२-६३८४]
छट्ठो उद्देसो वक्खाणियं (गा० ५३४२) । इदानीं सेज्जायरपिंडो
तित्थंकरपडिकुट्ठो, आणा अण्णात उग्गों ण सुज्झे । अविमुत्ति अलाघवता, दुल्लभ सेज्जा विउच्छेदो ॥६३७८॥ दुविहे गेलण्णम्मि, निमंतणे दव्वदुल्लभे असिवे । ओमोदरिय पओसे, भए य गहणं अणुण्णातं ॥६३७९॥ तिक्खुत्तो सक्खेत्ते, चउद्दिसिं जोयणम्मि कडजोगी ।
दव्वस्स य दुल्लभता, सागारिणिसेवणा ताहे ॥६३८०॥
"तित्थंकर०" [ "दुविहे गेल०" "तिक्थुत्तो०"] गाहाद्व(त्र ?)यम् । जहा बिइओ उद्देसए (गा० ३५३२) ।
इदाणिं रायपिंडो
केरिसओ त्ति वा राया ?, भेदा पिंडस्स ? के व से दोसा ? । केरिसगम्मि व कज्जे, कप्पति ? काए व जयणाए ? ॥६३८१॥ मुइए मुद्धभिसित्ते, मुतितो जो होइ जोणिसुद्धो उ । अभिसित्तो व परेहि, सतं व भरहो जहा राया ॥६३८२॥ पढमग भंगे वज्जो, होतु व मा वा वि जे तहिं दोसा । सेसेसु होतऽपिंडो, जहिँ दोसा ते वि वज्जंति ॥६३८३॥ असणाईआ चउरो, वत्थे पादे य कंबले चेव । पाउंछणए य तहा, अट्ठविधो रायपिंडो उ ॥६३८४॥
"केरिसओ त्ति०" ["मुइए मुद्ध०" "पढमग भंगे." "असणाईआ०"] गाहा। चत्तारि भेत्तदा मुदियो मुद्धाभिसित्तो १, मुइओ नाम जस्स मायापितरं रायवंसियं । मुद्धाभिसित्तो नाम जस्स बद्धमउडेणं रण्णा अभिसेओ कओ । मुदिओ नो मुद्धाभिसित्तो २ नो मुइओ मुद्धाभिसित्तो ३ नो मुइओ णो मुद्धाभिसित्तो ४ । एत्थ पढमभंगो वज्जेयव्वो । सेसभंगेसु भयणा । जो पंचहिं सहितो रज्जं भुंजइ सेणावइ-पुरोहिय-सेट्ठि-सत्थवाह-अमच्चेहिं तस्स पिंडो वज्जो। अण्णस्स वि जत्थ दोसा उप्पज्जंति, तस्स पिंडो वज्जेयव्वो । भेदा पिंडस्स असणं पाणं खाइमं साइमं वत्थं पडिग्गहं कंबलं पायपुंछणं । एस अट्टविहो रायपिंडो।
इदाणि दोसा
