________________
९८४ विसेसचुण्णि
[पलिमंथपगयं "अवयक्खंतो०" गाहा । एसो वि भासाकुकुइयस्स अववादो । तेणाणं सीहादीणं वा भएणं दिसाओ निज्झाएज्ज । धम्मं वा कहेंतो वच्चेज्ज । सत्थियाणं आइज्जतियाणं दंडपरिहारविज्जं वा परियट्रंतो वा वच्चइ । अहवा अभिनवगहिया विज्जा मा णासिहिति तेण परियÉतो अणुपेहंतो वा वच्चेज्ज । आदिसुत्तं पंचमंगलं दंडपरिहारनिमित्तं अणुपेहंतो परियद॒तो वा वच्चेज्ज । खेदो परिस्समो तेण आउरिभूओ न चेव इरियोवउत्तो होज्ज, 'अणाभोग' त्ति विस्सरिएण वा सहसा वा इरितोवओगे ण करेज्ज ।
संजोयणा पलंबातिगाण कप्पादिगो य अतिरेगो ।
ओमादिए वि विहुरे, जोइज्जा जं जहिं कमति ॥६३४२॥
"संजोयणा" गाहा । अइरेगोवधि गेण्हेज्ज धरेज्ज वा । पलंबाणं गहणकारणे पिप्पलगादीहिं तेण करणा कज्जंति । अहवा परलिंगेणं गेण्हियव्वो होज्ज । ताहे परलिंगं वा धरेज्जा । पच्छियपिडियादी वा जेहिं ते घेप्पंति । जेहिं वा रुक्खातो घेप्पेज्ज । कप्पा उण्णियादी अतिरेगं पि घेप्पेज्ज दुल्लभोवधि त्ति काउं । 'ओमादिए' त्ति ओम-असिवादीहिं कारणेहिं 'विहुरे' त्ति । अप्पडिबंधते? छव्विहं पि पलिमंथु जहासंभवं करेंतो सुद्धो बितियपदमासज्ज । अत्राह-बितियपदमेव न याणामो, केरिसं बितियपदं? अत उच्यते
जा सालंबणसेवा, तं बीयपदं वयंति गीयत्था ।
आलंबणरहियं पुण, निसेवणं दप्पियं बेंति ॥६३४३॥
"जा सालंबणं०" गाहा । चरिमपदं एत्थ बितियपदं णत्थि । चोयओ भणतिभोगवाए ताव णियाणकरणस्स तिव्वो विवागो भवति त्ति काउंमा कज्जउ । जइ पुण इमेणं पणिहाणेणं निदाणं करेइ-मा ममं रायादीकुले उववण्णस्स भोगाभिसत्तस्स पव्वज्जा न होहिति, तओ दरिद्दकुले उववज्जामि तत्थ भोगाभिसत्तो न होहिति । एवं निदाणकरणे को दोसो? आयरिओ भणइ
एवं सुनीहरो मे, होहिति अप्प त्ति तं परिहरंति । हंदि ! हु णेच्छंति भवं, भववोच्छित्तिं विमग्गंता ॥६३४४॥
"एवं सुनीहरो०" गाहार्धम् । एवमवधारणे किमवधारयितव्वं ? सुनीहरो मे अप्पा असंजमाओ होहिति । एरिसं पि निदाणकरणं साधवो परिहरंति । किं कारणमिति चेत् ? उच्यते- "हंदि उ०" पच्छद्धं । तेण य निदाणेणं भवाणं परिवुड्डी भवति । सव्वो य
१. प्पवंते ड इ अत्यन्तमापदि इति मलवृ ।
