________________
भासगाहा-६३२९-६३४१] छट्टो उद्देसो
९८३ अणिदाणता पसत्था ।
बिइय पदं गेलण्णे, अद्धाणे चेव तह य ओमम्मि ।
मोत्तूणं चरिमपदं, णायव्वं जं जहिं कमति ॥६३३५॥ "बिइय पयं०" गाहा । गेलण्ण त्ति ठाणकोकुइयस्स अववादो । अस्य व्याख्या
कडिवेदणमवतंसे, गुदपागऽरिसा भगंदलं वा वि । गुदखील सक्करा वा, न तरति बद्धासणो होउं ॥६३३६॥ "कडिवेदण०" गाहा । अवतंसो पुरिव्याधिशर्करा-किच्छमुत्तादि । उव्वत्तेति गिलाणं, ओसहकज्जे व पत्थरे छुभति । वेवति य खित्तचित्तो, बितियपदं होति दोसं तु ॥६३३७॥ "उव्वत्तेति०" गाहा । 'दोसु' त्ति ठाणे सरीरे य । तुरियगिलाणाहरणे, मुहरित्तं कुज्ज वा दुपक्खे वी ।
ओसह विज्जं मंतं, पेल्लिज्जा सिग्घगामि त्ति ॥६३३८॥ "तुरिय०" गाहा । एस मोहरियस्स अववादो णोल्लेज्जएति चोप्पेज्जा -
अच्चाउरकज्जे वा, तुरियं व न वा वि इरियमुवओगो । विज्जस्स वा वि कहणं, भए व विस सल ओमज्जे ॥६३३९॥
"अच्चाउर०" गाहा । एसो चक्खुलोलुयस्स अववादो । "वेज्जस्स वावि०" पच्छद्धं । वेज्जस्स धम्मं कहेंतो जाति । भए वा दंडपडिहारं परियर्सेतो जाइ । विसं वा केणइ साहुणा खइयं तं उमज्जंतो जाइ । विसविज्ज वा अभिनवगहिया तं परियटॅतो जाति । सूलं वा साहुणो उमज्जंतो जाइ ।
तितिणिया वि तदट्ठा, अलब्भमाणे वि दव्वतितिणिता ।
वेज्जे गिलाणगादिसु, आहारुवधी य अतिरित्तो ॥६३४०॥
"तितिणिया वि०" गाहा । गिलाण-आयरिय-निमित्तं करेज्जा । अतिरेगं पि धरेज्जा, गिलाणो आयरिओ गणचिंतिओ धरेज्ज ।।
अवयक्खंतो व भया, कहेति वा सत्थियाऽऽतिअत्तीणं । विज्जं आइसुतं वा, खेद भदा वा अणाभोगा ॥६३४१॥
१. पेल्लेज्जत्ति वावरेज्ज इति भाव्यम् ? मलवृ । २. मंत्र इति भाव्यम् ? मलवृ ।
