________________
विसेसचुणि
[ खित्तचित्ताइपगयं
"एमेव० " गाहा । एवमवधारणे, किमवधारितव्वं ? जहा आवण्णे मोक्खणजयणा भणिया । एवं अणत्तस्स वि कातव्वा । अट्ठायमाणे तवतुलणाए नाणत्तं । सो भण्णइ - साहुणो तवोधणा अहिरण्णसोवन्निया तो अम्हं हत्थाओ धम्मं गेण्हाहि ।
९७८
जोणातें कतो धम्मो, तं देउ ण एत्तियं समं तुलइ । हाणी जावेगाहं, तावतियं विज्जथंभणता ॥ ६३०८ ॥ 'जो णाते कतो० गाहा । एयाए कओ धम्मो तं एसा देइ । ताहे सो भणेज्जजत्तियाणि संवच्छराणि एयाए कओ धम्मो तं सव्वं मम देउ । ताहे भण्णइ - एत्तियं देमो । ताहे सो भणेज्ज एगेणं संवच्छरेण उणयं देतु । एवं विभासा । एक्क दिवसिओ जो एयाए काओ धम्मो तं देउ । ताहे भणियव्वं - अब्भत्तियं ण देमो जावइय तव गहियं मुहुत्तादीहि जो कओ धम्मो तेण समं तुलिज्जउ । संजमतुलयितुं गेहहाहि । तुलिज्जमाणे सा तुला विज्जादीहिं थंभिज्जइ । एवं अणिच्छंते ववहारे इमं भण्णइ
11
वत्थाणाऽऽभरणाणि य, सव्वं छड्डेउ एगवत्थेणं । पोतम्मि विवण्णम्मि, वाणितधम्मे हवति सुद्धो ॥६३०९ ॥
"वत्थाणाऽऽभरणाणि० " गाहा । जहा वाणिया रिणं काउं वहणेणं समुद्दमोगाढा । तत्थ पोए विवण्णे, एगवत्थाओ उत्तिण्णा । तं रिणं न दवाविज्जंति वाणियधम्मेणं । एवं अम्हे वि घराओ अकिंचणा णिक्खंता किं देमो ? । अणत्ते त्ति गयं । इदाणिं बोहियत्तेणे त्ति दारं । अस्य व्याख्या-बोधिया तेणेहिं हिते ठवणादि गवेसणा । जाव बोधिया अणारियामेच्छा तेणा आयरिय जणवय ते वि जाता सरीरतेणा । एतेहिं हिए गवेसित्ता ताहे अणुसट्टादीहिं अलब्भमाणे अट्ठजायविभासा तहेव जहा पुव्वं । जम्हा एते दोसा तम्हा—
तम्हा अपरायत्ते, दिक्खेज्ज अणारिए य वज्जेज्जा । अद्धाण अणाभोगा, विदेस असिवादिसू दो वी॥६३१०॥
11
" तम्हा० गाहा । अणारिया देसा वज्जेज्जा बितियपदे अद्धाण पडिवण्णस्स उवग्गहं काहिंतिमो, तेण परायत्ते वि दिक्खेज्जा । अणाभोगेण वा पव्वावेज्जा । विदेसत्था वा दिक्खेज्जा। असिवादीहिं वा कारणेहिं परायत्ते दिक्खेज्जा । उवग्गहणिमित्तं अणारिए वा देसे विहरिज्ज जयणाए एतं दो वि ।
॥ खित्तचित्ताइपगयं समत्तं ॥
१. ण इत्यधिकं मुच ।
