________________
९७६ विसेसचुण्णि
[खित्तचित्ताइपगयं "सेहोवट्ठ०" पच्छद्धं । सेहो उवट्ठितओ तस्स य चित्तं बहुविधं अट्ठजायं तं ठवितयं जइ होज्ज । तेण व त्ति पियरेण च से पव्वयंतेण किंचि ठवियं होज्जा । अन्नेण वा साहुणा सेहोवट्टियस्स जं दव्वं आसि हत्थे तं ठवियं होज्ज । खणेण अट्ठजाएणं कज्जं होज्ज । वा ववहारेणं कड्डिज्जति ।
नीयल्लगाण तस्स व, भेसण ता राउले सतं वा वि ।
अविरिक्का मो अम्हे, कहं व लज्जा ण तुझं ति ॥६२९५॥
"नीयल्लगाण०" गाहा । तीसे कप्पट्ठिए नियल्लयामं भीसणादी अविभत्तरित्था वयंति तो भागं देह, 'सयं वा वि' त्ति अप्पणा वा भेसेति-सावं देमि, जइ न देह ।
नीयल्लएहि तेण व, सद्धिं ववहार कातु मोदणता ।
जं अंचितं व लिंगं, तेण गवेसित्तु मोदेइ ॥६२९६॥
"नीयल्लएहि०" गाहा । लिंगं जत्थ त्ति अलब्भमाणे जं जत्थ अच्चिअं लिंगं तेण उप्पाएंति । दूराभोग (गा० ६२९१) पच्छद्धं । अस्य व्याख्या
पुट्ठा व अपुट्ठा वा, चुतसामिणिहिं कहिंति ओहादी । घेत्तूण जावदटुं, पुणरवि सारक्खणा जतणा ॥६२९७॥ सोऊण अट्ठजायं, अटुं पडिजग्गती उ आयरिओ । संघाडगं च देती, पडिजग्गति णं गिलाणं पि ॥६२९८॥ काउं णिसीहियं अट्ठजातमावेदणं गुरूहत्थे । दाऊण पडिक्कमते, मा पेहंता मिया पासे ॥६२९९॥
"पुट्ठा व०" ["सोऊण अट्ठजायं०" "काउं णिसीहियं०"] गाहा । पुच्छिया वा अपुच्छिया वा दूरे ग्रहणं, ताणि उच्छण्णसामियाणि णिधी वा कयाइ दूरे होज्ज । तत्थ पंथे जयणा पुव्वुत्ता ओहनिज्जुत्तीए अद्धाणविही जो भणिओ तं एत्थ वि कायव्वं । सेसं पच्चोहाडिज्जति, एसा जयणा । अहवा इमा जयणा-तं घेत्तुं जत्थ अण्णघरे पाहुणया वच्चंति तत्थ निसीहियाए पविसित्ता अट्टजायं आयरियस्स पणामिज्जति ।
सण्णी व सावतो वा, केवतितो दिज्ज अट्ठजायस्स । पुव्वुप्पण्ण णिहाणे, कारणजाते गहण सुद्धो ॥६३००॥
१. खणेणं...होज्ज नास्ति ड । २. अविभक्तरिक्था अविरक्ता मलवृ ।
