________________
भासगाहा-६२८५-६२९४] छट्ठो उद्देसो
९७५ "अपरिग्गहिया०" गाहा । अहवा सामिएणं विसज्जिता सा निक्खंता, अह पच्छा सो आगतो भणइ-बहुगं ममेत्थ दव्वं उवज्जुत्तं, जइ ममं किंचि वि दिज्जइ तो विसज्जेमि । एत्थ इमं कायव्वं
सरभेद वण्णभेदं, अंतद्धाणं विरेयणं वा वि । वरधणुग पुस्सभूती, गुलिया सुहुमे य झाणम्मि ॥६२९०॥
"सरभेद०" गाहा । जहा न संजाणइ तहा कायव्वं । असतीए तेसिं जहा बंभदत्तहिंडीए वरधणुएणं मयवेसं उड्डिअं तहा णिच्चलणिरुस्सासत्तं सुहुमं ऊससति, ताहेमयत्ति विसज्जति । गलियाए वा जाए-मय त्ति नज्जइ । पूसमित्तेण वा सहमज्झाणविभासा । असति एतेसिं -
अणुसिट्ठिमणुवरंतं, गमेंति णं मित्तणातगादीहिं । एवं पि अठायंते, करेंति सुत्तम्मि जं वुत्तं ॥६२९१॥
"अणुसिट्ठि" गाहा । 'सुत्तम्मि जं वुत्तं' ति तेण मोक्खेयव्वा । एयं सुत्तेण भणियं । ओमे त्ति अस्य व्याख्या
सकुडुंबो मधुराए, णिक्खिविऊणं गयम्मि कालगतो ।
ओमे फिडित परंपर, आवण्णा तस्स आगमणं ॥६२९२॥
"सकुडुंबो०" गाहा । महुराए वाणियओ सकुटुंबो निक्खंतो । तस्स य धूया अतिखुड्डल्लिया। सो तं मित्तघरे णिक्खिवित्ता अन्नत्थ गओ । सो य मित्तो कालगओ, दुब्भिक्खं च जायं । ततो सा दारिया परंपराए दासत्तमापण्णा । सो य से पिया विहरतो महुरमागतो । उवलद्धं जहा दासत्तं पत्ता । एत्थ
अणुसासण कह ठवणं, भेसण ववहार लिंग जं जत्थ । दूराऽऽभोग गवेसण, पंथे जयणा य जा जत्थ ॥६२९३॥ "अणुसासण" दारगाहा । सो अणुसासियव्वो । निच्छिण्णा तुज्झ घरे, इसिकण्णा मुंच होहिती धम्मो ।
सेहोवट्ठ विचित्तं, तेण व अण्णेण वा णिहितं ॥६२९४॥ "निच्छिण्णा०" पुव्वद्धं । 'कहण'' त्ति थावच्चाहरणं से कहिज्जति । 'ठवण' त्ति
१. कह मुच ।
