________________
भासगाहा-६२६१-६२७४] छट्टो उद्देसो
९७१ नाइक्कमति ॥६-१४॥
"उवसग्गपत्तं०" सुत्तं । सम्बन्धःमोहेण पित्ततो वा, आतासंवेतिओ समक्खाओ ।
एसो उ उवसग्गो, अयं तु अण्णो परसमुत्थो ॥६२६८॥ "मोहेण" गाहा । तिविहे य उवसग्गे, दिव्वे माणुस्सए तिरिक्खे य । दिव्वे य पुव्वभणिए, माणुस्से आभिओग्गे य ॥६२६९॥ "तिविहे य०" गाहा । दिव्यो पुव्वभणितो । जो एस अणंतरसुत्तस्स हेट्ठा भणिओ। विज्जाए मंतेण व, चुण्णेण व जोतिया अणप्पवसा । अणुसासणा लिहावण, खमए मधुरा तिरिक्खाती ॥६२७०॥ विज्जादऽभिओगो पुण, एसो माणुस्सओ य दिव्वो य । तं पुण जाणंति कहं, जति णामं गेहए तस्स ॥६२७१॥ अणुसासियम्मि अठिए, विद्देसं देति तह वि य अठंते ।
जक्खीए कोवीणं, तीसे पुरओ लिहावेंति ॥६२७२॥
"विज्जाए०" ["विज्जादऽभिओगो०" "अणुसासियम्मि०"] गाहा । अस्य व्याख्यागाहाओ
'अणुसासण' त्ति जेण दिण्णं सो अणुसासिज्जइ - तवस्सिणी न वट्टइ, बहुविहं पावं बज्झइ । एवमादीहिं अणुसासिउ जइ न ठाइ, ताहे बिभेसणं' से कीरइ । असइ 'लिहावण' त्ति सा जेण अभिजोतिया सो विज्जाईहिं साणीए सागारियठाणं लिहाविज्जति. जहा सा दटुं विरज्जति । |
विसस्स विसमेवेह, ओसहं अग्गिमग्गिणो । मंतस्स पडिमंतो उ, दुज्जणस्स विवज्जणं ॥६२७३॥ "विसस्स०" सिलोगो । जइ पुण होज्ज गिलाणी, णिरुब्भमाणी उ तो से तेइच्छं । संवरियमसंवरिया, उवालभंते णिसिं वसभा ॥६२७४॥
१. विद्देसं इति भाव्यम् ? |
