________________
९७० विसेसचुण्णि
[खित्तचित्ताइपगयं पुव्वभवितवेरेणं रागेणं वा । पइस्स पेस्सा एक्का । अकामतो निज्जराए गाहासिद्धं । रागेणं ति भयउ कुडुंबिणि पेच्छंतो णेच्छिओ भयओ त्ति । वंतरो जाओ ।
जेट्ठो कणे?भज्जाएँ मुच्छिओ णिच्छितो य सो तीए । जीवंते य मयम्मी, सामण्णे वंतरो छलए ॥६२६१॥ "जेट्ठो०" गाहा । कण्ठ्या । तस्स य भूततिगिच्छा, भूतरवावेसणं सयं वा वि । णीउत्तमं च भावं, णाउं किरिया जहा पुव्वं ॥६२६२॥ "तस्स य०" गाहा । कण्ठ्या ।
[सुत्तं] उम्मायपत्तिं निग्गथि निग्गंथे गिण्हमाणे वा अवलंबमाणे वा नातिक्कमति ॥६-१३॥
"उम्मायपत्ति" सुत्तं । उम्मातो खलु दुविधो, जक्खाएसो य मोहणिज्जो य । जक्खाएसो वुत्तो, मोहेण इमं तु वोच्छामि ॥६२६३॥ रूवंगं दट्ठणं, उम्मातो अहव पित्तमुच्छाए । तद्दायणा णिवाते, पित्तम्मि य सक्करादीणि ॥६२६४॥ दट्ठण नडं काई, उत्तरवेउव्वितं मतणखेत्ता । तेणेव य रूवेणं, उड्डम्मि कयम्मि निविण्णा ॥६२६५॥ पण्णवितो उ दुरूवो, उम्मंडिज्जति अ तीऍ पुरतो तु । रूववतो पुण भत्तं, तं दिज्जति जेण छड्डेति ॥६२६६॥ गुज्झंगम्मि उ वियडं, पज्जावेऊण खरगमादीणं । तद्दायणे विरागो, तीसे तु हवेज्ज दट्टणं ॥६२६७॥
"उम्मातो खलु०" ["रूवंगं दट्टणं०" "दट्ठण नडं०" "पण्णवितो उ०" "गुज्झंगम्मि उ०" ] गाहासिद्धं । 'अंग' नाम प्रधानं वरं विशिष्टमित्युपदिश्यते, रूपग्रहणात् तं पुण रूपं न गंधरसादयः । 'निवाए' त्ति ठविज्जइ ।
[सुत्तं] उवसग्गपत्तं निग्गथिं निग्गंथे गिण्हमाणे वा अवलंबमाणे वा
