________________
९५८ विसेसचुण्णि
[दुग्गपगयं तिविहं च होति विसमं, भूमि सावय मणुस्सविसमं च । तम्मि वि सो चेव गमो, नावोदग सेय जतणाए ॥६१८५॥
"तिविहं च०" गाहा । तिविहं विसमं - भूमिविसमं सावयं वि माणुस्सं वि । भूमिविसमं उड्डाउरिए पव्वया एत्थ उवरिल्लावभूमि सावयमणुस्स विसमा तहेव । जे दुग्गे दोसा भणिया तच्चेव विसमे वि दोसा । नावासुत्ते सेयसुत्ते य णिक्कारणे एए चेव दोसा 'जयणाए' त्ति उवरि भण्णिहिति । ‘पक्खुलमाणिं वा पवडमाणिं वा' अस्य व्याख्या
भूमी' असंपत्तं, पत्तं वा हत्थजाणुगादीहिं । पक्खुलणं णायव्वं, पवडण भूमीय गत्तेहिं ॥६१८६॥ "भूमीए असंपत्तं०" गाहा । कण्ठ्या ।
अहवा वि दुग्गविसमे, थद्धं भीतं व गीत थेरो तु । सिचयंतरेतरं वा, गिण्हंतो होति निद्दोसो ॥६१८७॥
"अहवा वि दुग्ग०" गाहा । जया ण समत्था सा दुग्गविसमेसु वोलेउं ताहे वत्तरियं गेण्हइ । थेरा गीतत्था । सुत्तं
[सुत्तं] निग्गंथे निग्गंथिं सेयंसि वा पंकंसि वा पणगंसि वा उदगंसि वा ओकसमाणिं वा ओवुज्झमाणिं वा गिण्हमाणे वा अवलंबमाणे वा नाइक्कमइ ॥६-८॥
निग्गंथे निग्गंथिं नावं आरुभमाणिं वा ओरुभमाणिं वा गिण्हमाणे वा अवलंबमाणे वा नातिक्कमति ॥६-९॥
"निग्गंथो निग्गंथी सेयं०" सुत्तं । पंको खलु चिक्खल्लो, आगंतू पयणुओ दुओ पणओ ।
सो पुण सजलो सेओ, सीतिज्जति जत्थ दुविहे वी ॥६१८८॥ "पंको खलु०" गाहा । कण्ठ्या । पंकपणएसु नियमा, ओगसणं वुब्भणं सिया सेए । थिमियम्मि निमज्जणता, सजले सेए सिया दो वि ॥६१८९॥
"पंकपणएसु०" गाहा । कण्ठ्या । णावोदगं [ सेय] जयणाए त्ति जं भणियं उवरिं भन्निहिति तं भण्णइ
