________________
[कंटगाइउद्धरणपगयं]
[सुत्तं] निग्गंथस्स य हत्थंसि वा पायंसि वा कायंसि वा खाणू वा कंटगे वा हीरे वा सक्करे वा परियावज्जेज्जा, तं च निग्गंथे नो संचाइच्चाएज्जा नीहरित्तए वा विसोहित्तए वा, तं निग्गंथी नीहरमाणी वा विसोहेमाणी वा नो अइक्कमइ ॥६-३॥
निग्गंथस्स य अच्छिसि पाणे वा बीए वा रए वा परियावज्जेज्जा, तं च निग्गंथे नो संचाएज्जा नीहरित्तए वा विसोहित्तए वा, तं निग्गंथी नीहरमाणी वा विसोहेमाणी वा नो अतिक्कमइ ॥६-४॥
निग्गंथीए हत्थंसि वा पायंसि वा खाणु वा कंटए वा हीरए वा सक्करे वा परियावज्जेज्जा, तं च निग्गंथी नो संचाइज्जा नीहरित्तए वा विसोहित्तए वा, तं च निग्गंथे नीहरमाणे वा विसोहेमाणे वा नो अतिक्कमइ ॥६-५॥
निग्गंथीए अच्छिसि पाणे वा बीए वा रए वा जाव निग्गंथे नीहरमाणे वा विसोहेमाणे वा नाइक्कमइ ॥६-६॥
"निग्गंथस्स य हत्थंसि वा” सुत्ताणि उच्चारेयव्वाणि । सम्बन्धःपायं गता अकप्पा, इयाणि वा कप्पिता इमे सुत्ता ।
आरोवणा गुरु त्ति य, तेण तु अण्णोण्ण समणुण्णा ॥६१६३॥
"पायं०" गाहा । प्रायेण अकप्पया सुत्ता गया, सांप्रतम् अणुण्णासुत्ता । वा विभाषायाम् । सुत्तेण अणुण्णा काउं अत्थतो पडिसेहेति । तेणं वा कप्पिया सुत्ता । स्यान्मति:किं कारणं सुत्तेणं अणुण्णाए अत्थेणं पडिसेहो कज्जइ ?
अत्रेदं ज्ञापकम्
जह चेव य पडिसेहे, होंति अणुन्ना तु सव्वसुत्तेसु । तह चेव अणुण्णाए, पडिसेहो अत्थतो पुव्वं ॥६१६४॥ "जह चेव य०" गाहा । कण्ठ्या ।
