________________
९५२ विसेसचुण्णि
[पत्थारपगयं खरओ त्ति कहं जाणसि, देहायारा कहिंति से हंदी ! । छिक्कोवण उब्भंडो, णीयासी दारुणसभावो ॥६१५७॥ देहेण वा विरूवो, खुज्जो वडभो य बाहिरप्पादो । फुडमेव से आयारा, कहिति दह एस खरओ त्ति ॥६१५८॥ केइ सुरूव दुरूवा, खुज्जा वडभा य बाहिरप्पाया । न हु ते परिभवियव्वा, वयणं व अणारियं वोत्तुं ॥६१५९॥ वच्चति भणाति आलोय निकाए पुच्छिए निसिद्धे य । साहु गिहि मिलिय सव्वे, पत्थारो जाव वयमाणे ॥६१६०॥ मासो लहुओ गुरुओ, चउरो लहुगा य होंति गुरुगा य । छम्मासा लहु गुरुगा, छेदो मूलं तह दुगं च ॥६१६१॥ बिइयपयमणाभोगे, सहसा वोत्तूण वा समाउट्टे । जाणंतो वा वि पुणो, विविंचणट्ठा वदेज्जा वि ॥६१६२॥
"खरओ त्ति०" ["देहेण वा०" "केइ सुरूव०" "वच्चति भणाति०" "मासो लहुओ०" "बिइयपयमणाभोगे०"] गाहासिद्धं । 'णीयासि'त्ति अण्णेसिं नीयमासणे उवविसति । णीयासि बितीयगाहासिद्धं ।
॥ पत्थारपगयं समत्तं ॥
