________________
५००
विसेसचुण्णि [निग्गंथी उवस्सयपवेसपगयं __ "एतेसिं तु०" गाहा । 'विभागो य' त्ति चिट्ठणादी पदी' करेंतस्स दोसा य । जे यत्र आवन्नो वा न वा प्रायश्चित्तं वक्ष्यति
निक्कारणमविहीए, निक्कारणओ तहेव य विहीए ।
कारणओ अविहीए, कारणतो चेव य विहीए ॥३६९०॥
"निक्कारणमविधीए०" गाधा । णिक्कारणेणं गंतुं संजतिउवस्सयं अविधीए पविसति १, णिक्कारणे विधीए पविसति २, कारणे अविधीए पविसति ३, कारणे विधीए पविसति ।। णिक्कारणे जति वच्चइ बहवे दोसा पसज्जंति । इधलोइया पारलोइया य पच्चवाया दिढे संकादी गेण्हणादी वा । अधवा दोसा य पच्चवाया य एगटुं । ते पुण जिणेहिं थेरेहिं य पडिकुट्ठा, तेसि इमा आरोवणा
आदिभयणाण तिण्हं, अण्णतरीए उ संजतीसेज्जं ।
जे भिक्खू पविसेज्जा, सो पावति आणमादीणि ॥३६९१॥
"आदिभयणाण०" गाहा । चउण्हं भंगाणं तिसु आदिल्लेसु भंगे त्ति वा भयण त्ति वा पगार त्ति वा एगटुं ।
इदाणिं एतेसु चेव पच्छित्तं भण्णतिनिक्कारणम्मि गुरुगा, तीसु वि ठाणेसु मासियं गुरुगं ।
लहुगा य दारमूले, अतिगयमेत्ते गुरू पुच्छा ॥३६९२॥
"निक्कारणम्मि०" गाहा । णिक्कारणे जाति संजतिउवस्सयं चउगुरुगा, “तिसु वि ठाणेसु'त्ति निक्कारणे अविधीए, निक्कारणे विधीए, कारणे अविधीए । एतेसु तिसु वि। अविधी णाम तिण्णि णिसीधियाओ ण करेति, दूरे मा० । (मासगुरु), मज्झे मा ०। (मासगुरु), आसण्णे मा ०। (मासगुरु), दारमूले ठितस्स :: (चतुर्लघु) 'अतिगतमेत्ते गुरूग'त्ति एक्को वि पाओ अतियतो :: । ४ (चतुर्गुरु) । पुच्छ त्ति सीसो पुच्छति
पाणाइवायमादी, असेवतो केण होति गुरुगा उ ? ।
कीस व बाहिं लहुगा ?, अंतो गुरु चोतक ! सुणेहिं ॥३६९३॥
"पाणातिवायमादी०" गाहा । पाणातिवातादीणि आसेवंतस्स चउगुरुगा दिण्णा तुब्भेहिं संजतिउवस्सयं ति गमणनिमित्तं, दारमूले वि तस्स ठितस्स :: ।४ (चतुर्गुरु) को विसेसो ? दारमूले अतिगयस्स य णणु जो दारमूले ठितो सो पविट्ठो चेव । आयरितो भणति, इमे दोसा
१. पयाणं इति भाव्यम् ।।
