________________ 844 विसेसचुण्णि [महानईपगयं जारिसियाओ य पंच परूवियाओ य नावा संतारिमे 'जं जत्थ' त्ति संजम छक्कायचउलहुगादी आयविराधणा य होज्जा / एवं संतरणे / उत्तरणम्मि ति / अपिपदं संभावने संतरणे वि :: 4 (चतुर्लघु), उत्तरणे वि :: 4 (चतुर्लघु) / सुद्धं सुद्धणे य / जे संतरणे उक्ता दोषा ते उत्तरणे वि। संखेवेणं भणियं / इदाणिं वित्थारेणं भण्णइ अणुकंपा पडिणीया, व होज्ज बहवो उ पच्चवाया ऊ / एतेसिं णाणत्तं, वोच्छामि अहाणुपुव्वीए // 5622 // "अणुकंपा०" गाहा / तत्थ अणुकंपा ताव भण्णइछुभणं जले थलातो, अण्णे वोयारिता छुभति साहू / ठवणं व पत्थिताए, दटुं णावं व आणेती // 5623 // "छुभणं०" गाहा / नावा वाणिज्जओ वा, नाविओ वा भद्दवो साहूणं, साहुं पासित्ता उत्तरिउकाम त्ति अणुकंपाए थलाओ नावं जले छुभेज्जा / पुव्वविलग्गा वा केति नावाए ताहे साधुणा न मायंति त्ति काउं तडे उत्तारेज्जा, जले वा पक्खिवेज्जा संपट्ठियाए वा नावाए साहुं आगत त्ति काउं णाउं ठवेज्ज, परकूलाओ वा दढ् णावं आणेज्जा / नावियसाधुपदोसो, णियत्तणऽच्छंतगा य हरियादी / जं तेणसावएहि व, पवहण अण्णाएँ किणणं वा // 5624 // "नाविय०" गाहा / जे ते नावाओ उयारिया ते नावियस्स वा साहूण वा पदुस्सेज्जा पदुट्ठा जं करेज्जा तस्स विभासा, जे य तडे ओयारिया तडे ठिया / हरियादीणं विराहणं करेंति / जं वा तेण सावएहिं पाविस्संति / अवहंति वा णावं पवाहेज्जा अण्णं / अणुकं पाए इमं णिदरिसणं मज्जणगतो मुरुंडो, णावं दट्ठण अप्पणा णेति / कहिगा जति अक्खेवा, तति लहुगा मग्गणा पच्छा // 5625 // "मज्जणगतो०" गाहा / पाडलिपुत्ते गंगाए मुरुंडो णावाए उदए रमइ / साहुणो परकूले पासित्ता सयमेव णावं नेउं साधुणो आरुहित्ता कहं कहेह त्ति भणइ / कहाए आढत्ताए आढत्तो सणियं कड्ढावेइ / चिरेण उत्तारिया / अंतपुरे य रण्णा कहितं / जधा सुंदराओ कहाओ तरंगयादिआओ कहयंति साहवो अंतेउरियाणं कोउगं जातं / ताहे मग्गित्ता रण्णा साहुणो पवेसिया। सुत्तऽत्थे पलिमंथो, णेगा दोसा य णिवघरपवेसे / सइकरण कोउएण, भुत्ताऽभुत्ताण गमणादी // 5626 //
