________________
॥ उवस्सयपगए पईवसुत्तं ॥ [सुत्तं]-उवस्सयस्स अंतोवगडाए सव्वराईए पईवे दिप्पेज्जा, नो कप्पइ निग्गंथाण वा निग्गंथीण वा अहालंदमवि वत्थए । हुरत्था य उवस्सयं पडिलेहमाणे नो लभेज्जा, एवं से कप्पड़ एगरायं वा दुरायं वा वत्थए । जे तत्थ परं एगरायाओ वा दुरायाओ वा वसइ से संतरा छेए वा परिहारे वा ॥२७॥
"उवस्सयस्संतोवगडाए सव्वराईए पईवे दिप्पेज्जा०" तहेव सूत्रम् । देसीभासाय कयं, जा बहिया सा भवे हुरच्छा उ । बंधऽणुलोमेण कयं, छेया परिहार पुव्वं तु ॥३४५९॥ अहवण वारिज्जंतो, निक्कारणओ व तिण्हं व परेणं । छेयं चिय आवज्जे, छेयमओ पुव्वमाहंसु ॥३४६०॥ दुविहो य होइ दीवो, असव्वराई य सव्वराई य । ठायंते लहु लहुगा, कास अगीयत्थ सुत्तं तु ॥३४६१॥
["देसीभासाय०" "अहवण०" "दुविहो०"] असव्वराईए मा. । (मासलघु) सव्वराईए :: ४ (चतुर्लघु) । सेसं तहेव जाव -
उवगरणे पडिलेहा, पमज्जणाऽऽवास पोरिसि मणे य । निक्खमणे य पवेसे, आवडणे चेव पडणे य ॥३४६२॥ "उवगरणे०" दारगाहा । इमे पच्छित्तगाहापणगं लहुओ लहुगा, चउरो लहुगा य चउसु ठाणेसु । लहुगा गुरुगा य मणे, सेसेसु वि होंति चउलहुगा ॥३४६३॥ गुरुगा य पगासम्मि उ, लहुगा ते चेव अप्पगासम्मि । सायम्मि होंति गुरुगा, अस्साए होंति चउलहुगा ॥३४६४॥ ["पणगं०" "गुरुगा०"] आवस्सियणिसीहिय ण करेइ पंचराइंदिया । वसहिं ण
