________________
॥ उवस्सयपगए जोतिसुत्तं ॥ [सुत्तं] उवस्सयस्स अंतोवगडाए सव्वराईए जोई झियाएज्जा, नो कप्पड़ निग्गंथाण वा निग्गंथीण वा अहालंदमवि वत्थए ।हुरत्था य उवस्सयं पडिलेहमाणे नो लभेज्जा, एवं से कप्पइ एगरायं वा दुरायं वा वत्थए।जे तत्थ एगरायाओ वा दुरायाओ वा परं वसइ से संतरा छेए वा परिहारे वा ॥२-६॥
"उवस्सयस्स अंतोवगडाए सव्वराईए जोई झियाएज्जा०" सुत्तं उच्चारेयव्वं । सम्बन्धो गाहा
उदगाणंतरमग्गी, सो उ पईवो व होज्ज जोई वा । पडिवक्खेणं व गयं, समागमो एस सुत्ताणं ॥३४३०॥ देसीभासाएँ कयं, जा बहिया सा भवे हुरच्छा उ । बंधऽणुलोमेण कयं, छेए परिहार पुव्वं तु ॥३४३१॥ अहवण वारिज्जंतो, निक्कारणओ व तिण्ह व परेणं । छेयं चिय आवज्जे, छेयमओ पुव्वमाहंसु ॥३४३२॥
"उदगाणंतर०" ["देसीभासाएँ०" "अहवण०"] गाहा । अहवा पडिपक्खेणं सम्बन्धमागतः । आउक्कायस्स अगणिकाओ सत्थं । अगणिकायस्स वि आऊकायं । ‘गयंति आगतः । 'समागमो' सम्बन्ध इत्यर्थः ।
दुविहो य होइ जोई, असव्वराई य सव्वराई य । ठायंतगाण लहुगा, कास अगीयत्थ सुत्तं तु ॥३४३३॥ उवगरणे पडिलेहा, पमज्जणाऽऽवास पोरिसि मणे य । निक्खमणे य पवेसे, आवडणे चेव पडणे य ॥३४३४॥ पणगं लहुओ लहुया, चउरो लहुगा य चउसु ठाणेसु ।
लहुगा गुरुगा य मणे, सेसेसु वि होंति चउलहुगा ॥३४३५॥
"दुविहो य०" गाहा । जोती अगणिकाय उद्दित्तयं सव्वराइए :: (चतुर्लघु) असव्वराइए वि :: (चतुर्लघु) छस्स (?) सेसं तहेव मा छेदणएहि अगणिक्कायसंघट्टो भविस्सइ त्ति मासलहुं उवहिनिप्फन्नं वा । जहन्नय उवही ण पडिलेहइ पंचराइंदियाणि, मज्झिमए मा. (मासलघु)
