SearchBrowseAboutContactDonate
Page Preview
Page 320
Loading...
Download File
Download File
Page Text
________________ भासगाहा-४९९८-५०१२] चउत्थो उद्देसो ७२९ सेसगहितं नाम गुरुभत्तिमंवज्जेहिं जं मत्तएहिं गहितं तं अह पुण एयाए जयणाए न भुंजंति, ते चेव पुव्ववण्णिया दोसा । पडिसारणानिमित्तं पुणो भण्णति तिव्वकसायपरिणतो, तिव्वतरागाइँ पावइ भयाइं । मयगस्स दंतभंजण, सम मरणं ढोक्कणुग्गिरणा ॥५००५॥ "तिव्वक०" गाहा (४९९३) पूर्वोक्ता । भणितो कसायदुट्ठो । इदाणिं विसयदुट्ठो दुविहो विसयदुट्ठो-सपक्खदुट्ठो परपक्खदुट्ठो य । एत्थ चउभंगे इमा गाहा संजइ कप्पट्टीए, सिज्जायरि अण्णउत्थिणीए य । एसो उ विसयदुट्टो, सपक्ख परपक्ख चउभंगो ॥५००६॥ "संजइ कप्पट्टीए०" गाहा । संजइ कप्पट्ठीए । संजओ अज्झोववण्णो संजओ गारथिए परतित्थिगिणीए वा गिहत्था संजइ कप्पट्ठीए गिहत्थे गिहित्थीए । पढमे भंगे चरिमं, अणुवरए वा वि बितियभंगम्मि । सेसेण ण इह पगतं, वा चरिमे लिंगदाणं तु ॥५००७॥ लिंगेण लिंगिणीए, संपत्तिं जइ णियच्छती पावो । सव्वजिणाणऽज्जातो, संघो आसातिओ तेणं ॥५००८॥ पावाणं पावयरो, दिट्ठऽब्भासे वि सो ण वट्टति हु। जो जिणपुंगवमुदं, नमिऊण तमेव धरिसेति ॥५००९॥ संसारमणवयग्गं, जातिजरामरणवेदणापरं । पावमलपडलछन्ना, भमंति मुद्दाधरिसणेणं ॥५०१०॥ "पढमे भंगे०" ["लिंगेण०" "पावाणं ""संसार०"] गाहाउ कण्ठ्याउ चत्तारि । जत्थुप्पज्जइ दोसो, कीरति पारंचितो स तम्हा तु । सो पुण सेवीमसेवी, गीतमगीतो व एमेव ॥५०११॥ "जत्थुप्पज्जइ०" गाहा । “संजइ कप्पट्ठिए" गाहा (५००६) तेण पुण सेवियं वा तं न वा, सो य गीओ वा अगीओ वा होउ तओ पारंचिओ कीरइ । उवस्सय कुले निवेसण, वाडग साहि गाम देस रज्जे वा । कुल गुण संघे निज्जूहणाएँ पारंचितो होति ॥५०१२॥
SR No.007787
Book TitleKappasuttam Vhas Vises Chunni Sahiyam Part 02
Original Sutra AuthorBhadrabahuswami, Sanghdasgani Kshamashraman
Author
PublisherShubhabhilasha Trust
Publication Year2016
Total Pages423
LanguagePrakrit
ClassificationBook_Devnagari & agam_bruhatkalpa
File Size4 MB
Copyright © Jain Education International. All rights reserved. | Privacy Policy