________________
भासगाहा-४९९८-५०१२] चउत्थो उद्देसो
७२९ सेसगहितं नाम गुरुभत्तिमंवज्जेहिं जं मत्तएहिं गहितं तं अह पुण एयाए जयणाए न भुंजंति, ते चेव पुव्ववण्णिया दोसा । पडिसारणानिमित्तं पुणो भण्णति
तिव्वकसायपरिणतो, तिव्वतरागाइँ पावइ भयाइं ।
मयगस्स दंतभंजण, सम मरणं ढोक्कणुग्गिरणा ॥५००५॥
"तिव्वक०" गाहा (४९९३) पूर्वोक्ता । भणितो कसायदुट्ठो । इदाणिं विसयदुट्ठो दुविहो विसयदुट्ठो-सपक्खदुट्ठो परपक्खदुट्ठो य । एत्थ चउभंगे इमा गाहा
संजइ कप्पट्टीए, सिज्जायरि अण्णउत्थिणीए य । एसो उ विसयदुट्टो, सपक्ख परपक्ख चउभंगो ॥५००६॥
"संजइ कप्पट्टीए०" गाहा । संजइ कप्पट्ठीए । संजओ अज्झोववण्णो संजओ गारथिए परतित्थिगिणीए वा गिहत्था संजइ कप्पट्ठीए गिहत्थे गिहित्थीए ।
पढमे भंगे चरिमं, अणुवरए वा वि बितियभंगम्मि । सेसेण ण इह पगतं, वा चरिमे लिंगदाणं तु ॥५००७॥ लिंगेण लिंगिणीए, संपत्तिं जइ णियच्छती पावो । सव्वजिणाणऽज्जातो, संघो आसातिओ तेणं ॥५००८॥ पावाणं पावयरो, दिट्ठऽब्भासे वि सो ण वट्टति हु। जो जिणपुंगवमुदं, नमिऊण तमेव धरिसेति ॥५००९॥ संसारमणवयग्गं, जातिजरामरणवेदणापरं । पावमलपडलछन्ना, भमंति मुद्दाधरिसणेणं ॥५०१०॥ "पढमे भंगे०" ["लिंगेण०" "पावाणं ""संसार०"] गाहाउ कण्ठ्याउ चत्तारि ।
जत्थुप्पज्जइ दोसो, कीरति पारंचितो स तम्हा तु । सो पुण सेवीमसेवी, गीतमगीतो व एमेव ॥५०११॥
"जत्थुप्पज्जइ०" गाहा । “संजइ कप्पट्ठिए" गाहा (५००६) तेण पुण सेवियं वा तं न वा, सो य गीओ वा अगीओ वा होउ तओ पारंचिओ कीरइ ।
उवस्सय कुले निवेसण, वाडग साहि गाम देस रज्जे वा । कुल गुण संघे निज्जूहणाएँ पारंचितो होति ॥५०१२॥
