________________
भासगाहा-३३५६-३३७०]
४३५
निक्कारणम्मि दोसा, पडिबद्धे कारणम्मि निदोसा । ते चेव अजतणाए, पुणो वि सो लग्गती दोसे ॥३३६२॥
"गीतत्थेसु वि एवं०" ["निक्कारणम्मि०"] गाहाद्वयं कण्ठ्यम् । 'पडिबद्धे 'त्ति धण्ण-साला इत्यर्थः । कारणं इमं
अद्धाणनिग्गतादी, तिक्त्तो मग्गिऊण असतीए । गीतत्था जतणाए, वसंति तो धण्णसालाए ॥३३६३॥ "अद्धाण०" गाहा। इमा अणुण्णवणजयणा । ण वि जोइसं ण गणियं, ण अक्खरे ण वि य किंचि रक्खामो । अप्पस्सगा असुणगा, भातण खंभोवमा वसिमो ॥३३६४॥ तुस धन्नाई जहियं, णिप्परिसाड-परिसाडगाई वा । तेसु पढमं तु ठायति, तेसऽसती दंतखज्जेसु ॥३३६५॥ निक्कारणम्मि एवं, कारण दलभे भणंतिमं वसभा । अम्हे ठितेल्लग च्चिय, अधापवत्तं वहह तुब्भे ॥३३६६॥ आमं ति अब्भुवगते, भिक्ख वियारादि णिग्गत मिएसु । भणति गुरू सागारिय, णाउं जे कत्थ किं धण्णं ? ॥३३६७॥ सालीणं वीहीणं, तिल कुलत्थाण मुग्ग मासाणं । दिट्ठ मए सण्णिचया, अण्णे देसे कुटुंबीणं ॥३३६८॥ एवं च भणितमित्तम्मि कारणे सो भणाति आयरियं ।
अत्थि महं सण्णिचया, पेच्छह णाणाविहे धण्णे ॥३३६९॥
"ण वि जोइसं०' ["तुस धन्नाइं०" "निक्कारणम्मि०" "आमं०" "सालीणं०" "एवं च०"] गाहा । जइ भणंति – 'जोइसं सिक्खावेज्जह' तत्थ वत्तव्वं'न याणामो' । इमा सपक्खजयणा -
उवलक्खिया य धण्णा, संथाराणं जहाविधि ग्गहणं । जो जस्स उ पाउग्गो, सो तस्स तहिं तु दायव्वो ॥३३७०॥
