________________
६२८ विसेसचुण्णि
[किइकम्मपगयं "वाईगसमिई०" गाहा । जा भासासमिई सा बिइया णाम वइगुत्ती भवइ । कहं ? जदा भासासमिओ भवइ तदा भासाऽसमितिप्रात्ययिकं कम्मबंधं निरंभइ । वइअगुत्तिप्रत्ययिकमपि बंधंनिरंभइ चेव । एएण कारणेण वइयगुत्ति भासासमिईणं दोण्ह वि एगत्तया। तइया नाम एसणासमिओ भवइ तदा सोतादीसु उवउज्जइ त्ति काउं सा मणगुत्ती एवमनयोरेकत्वम् । सेसाओ आयाणनिक्खेवणासमिई परिठ्ठावणियासमिई य । एयाओ दोन्नि कायचिट्ठ त्ति काउं कायगुत्ती । एयासिं तिण्हि वि एक्कमणो उ सव्वासु समिईसु त्ति उवओगं पडुच्च पंचसु वि समिईसु भवति, तेणं मणगुत्तस्स सचेटुस्स सव्वाहिं समितीहिं समं मणगुत्ती एगग्गया। आह चोयक:-एसणासमिई भिक्खट्ठाए घरदारे ठियस्स । तत्थ आहारादी मग्गंतस्सरे सोयादिण य उवउज्जंतस्स भासासमिई मणगुत्ती एसणासमिई एयासिं तिण्ह वि संभमो दीसइ, अतः आसामेकत्वान्यत्वे विशेषो वक्तव्यः । अत उच्यते -
वयसमितो च्चिय जायइ, आहारादीणि कप्पणिज्जाणि । एसण उवओगे पुण, सोयाई माणसा न वई ॥४४५४॥
"वयसमितो०" गाहा । दसदोषापेतं३ अयं ग्राह्यमित्येषणासमिति भासासमियस्स मग्गमाणस्स भासासमितीसु सोतादुवउत्तस्स मणगुत्ती एसणासमिती य, न भासासमिती ।
जा वि य ठियस्स चेट्ठा, हत्थादीणं तु भंगियाईसु । सा वि य इरियासमिती, न केवलं चंकमंतस्स ॥४४५५॥
"जा वि य०" गाहा । यच्च प्रागुक्तं त्वया चंक्रमणं निरर्थकं तद्यथा सार्थकं भवति तथेदमुच्यते
वायादी सट्टाणं, वयंति कुविया उ सन्निरोहेणं ।
लाघवमग्गिपडुत्तं, परिस्समजतो य चंकमतो ॥४४५६॥ "वायादी०" गाहा । कण्ठ्या । एए गुणा चंकमणे भवंति तम्हा न निरत्थगं चंकमणं । चंकमणे पुण भइयं, मा पलिमंथो गुरूविदिन्नम्मि । पणिवायवंदणं पुण, काऊण सई जहाजोगं ॥४४५७॥ "चंकमणे०" गाहा । जइ आयरिओ मा सुत्तत्थाणं गुणेंतस्स पलिमंथो भवतु त्ति
१. अविरुद्धो मुच । २. आहारादीहिं णिमग्गंतस्स अ इ । ३. दोषोपेतं अ ब ड इ । ४. मया इति भाव्यम् ? ।
