________________
भासगाहा-४३०८-४३१८] तइओ उद्देसो
६०७ "दुयमादी सामण्णे०" ["अमणुण्ण०" "वत्थेहिं०" "विदु०"] गाहा चत्तारि कण्ठ्याओ । आयरियस्स वराणि विसिट्ठाणि दिज्जंति । अहाराइणिया पत्थिते इमे ।।
उवसंपज्ज गिलाणे, परित्त सुत सोअव्वे य जाती य । तव भासा लद्धीए, ओमे दुविहस्स अरिहा उ ॥४३१५॥ "उवसंपज्ज०" गाहा । एएसि परूवणया, जा य विणा तेहिं होति परिहाणी ।
अहवा एक्केक्कस्स उ, अड्डोक्कंतीक्कमो होति ॥४३१६॥
"एएसि परूवणया०" गाहा । जो तप्पढमताए उवसंपज्जइ गिलाणो आगाढमणागाढो परितत्थि परित्तोवही । “सुत" त्ति । जो सुयसंपन्नो मेहावी "सोतव्वय''त्ति जो अणुभासइ । जइ थेरो वुड्डो चिरपव्वइओ य, "तव" त्ति खमगो तवस्सी, "भास" त्ति जो अभासिओ कुडुक्कमादी जो वा ओभासइ, "लद्धी य" त्ति जस्स लद्धीए लब्भंति णंतयाणि । एएसिं जहाकमेणं दाउं पच्छा जे सेसा तेसिं जहक्कमेणं जो जो परियागराइणिओ सो सो पढमं गेण्हइ ओमराइणिओ पच्छा, एयं 'ओमे' त्ति गयं । "दुविहे''त्ति उहोवही उवग्गहिओ वा, एए एवं परूविया । जइ एएसिं ण देंति तो जा वत्थेहिं विणा तेसिं परिहाणी तं निप्फण्णं पावइ।
इमो अड्डोक्कंतिगमो । उवसंपज्ज गिलाणो, अगिलाणो वा वि दोण्णि वि गिलाणा । तत्थ वि य जो परित्तो, एस गमो सेसगेसुं पि ॥४३१७॥
"उवसंपज्ज०" गाहा । दुविहो उवसंपज्जिउकामो गिलाणो अगिलाणो य । गिलाणस्स दायव्वं । दो वि गिलाणा अगिलाणा वा, तत्थ जो परित्तोवही तस्स दायव्वं, दो वि परित्तोवही जे सुयवंतो तस्स दायव्वं । एवं विभासा कायव्वा । अहवा इमा परिवाडी
आयरिए य गिलाणे, पतित्त पूया पवत्ति थेरी गणी । सुत भासा लद्धीए, ओमे परियागरातिणिए ॥४३१८॥
"आयरिए य०" गाहा । पुव्वं आयरियस्स वगत्थाणि विसिट्ठाणि य दाउं ताहे गिलाणस्स दाउं ताहे परितोवहीस्स तओ पूयणारिहस्स उवज्झायस्स तओ पवित्तिस्स तओ थेरस्स परियाएणं सुएण वा, तओ गणिस्स आयरियतुल्लस्स । सेसं तं चेव अड्डोक्कंतिय एत्थ जोएयव्वा। एवं संघाडएण आणियाणिं -
१. सुतथि त्ति अ इ ।
