________________
५८९
भासगाहा-४२२३-४२३३] तइओ उद्देसो
जं होहिति बहुगाणं, इमम्मि धम्मचरणं पवण्णाणं । तं होहिति अम्हं पी, तुम्हेहि समं पवण्णाणं ॥४२२८॥
"जं होहिति०" गाहा । ताहे घेप्पइ । सुत्तं ‘से य पुव्वोवट्ठियए सिया' पुव्वोवढिओ णाम पुराणो ।
सिद्धी वीरणसढए, अब्भुट्ठाणं पुणो अजाणते ।
कत कारितं च कीतं, जाणंते अधापरिग्गहिते ॥४२२९॥
"सिद्धी वीरण०" गाहा । सिद्धी णाम पवज्जा । कहं सो अब्भुट्ठिओ पव्वज्जाए ? एत्थ दिटुंतो वीरण थंभेणं सो नदी तओ (तीररुहो) जाओ गाहासिद्धं ।
जह सो वीरणसढओ, णइतीररुहो जलस्स वेगेणं । थोवं थोवं खणता, छूढो सोयं ततो वूढो ॥४२३०॥ ठियगमियदिठ्ठऽदिढेहि साधुहिं अहरिहं समणुसट्ठो । उण्हेहुण्हतरेहि य, चालिज्जति बद्धमूलो वि ॥४२३१॥ कप्पाकप्पविसेसे, अणधीए जो उ संजमा चलिओ । पुव्वगमो तस्स भवे, जाणते जाइँ सुद्धाइं ॥४२३२॥
"जह सो वीरणसढओ णदितीररुहो०" ["ठियगमिय०" "कप्पाकप्प०"] गाहासिद्धं । ठएहिं य गच्छंतेहिं य साहूहि फरुसवयणेहिं चोइज्जतो चालिओ मउएहिं य । सो जइ कप्पियाकप्पिए विसेसं ण जाणइ तस्स जहा गिहत्थसेहस्स । जो पुण जाणइ तस्स जाणि अहापरिग्गहियाणि ताणि कप्पंति संजयाणं, ण जाणि कीयादीणि ।
[सुत्तं]-निग्गंथीए णं तप्पढमयाए संपव्वयमाणीए कप्पति रयहरणगोच्छपडिग्गहमायाए चउहिं कसिणेहिं वत्थेहिं आयाए संपव्वइत्तए । सा य पुव्वोवट्ठिया सिया एवं से नो कप्पइ रयहरणगोच्छपडिग्गहमायाए चउहिं कसिणेहिं वत्थेहिं आयाए संपव्वइत्तए । कप्पति से अहापरिग्गहिएहिं वत्थेहिं आयाए संपव्वइत्तए ॥३-१४॥
सुत्तं "निग्गंथिएणं तप्पढमताए संपव्वतमाणीए कप्पति जाव संपव्वइत्तए" एसेव गमो नियमा, निग्गंथीणं पि होइ नायव्वो । जाणंतीणं कप्पति, घेत्तुं जें अधापरिग्गहिते ॥४२३३॥
