________________
५७०
विसेसचुण्णि
[ उग्गहणंतउग्गहपट्टगपगयं "उग्गहण०" गाहा । जहा संगामे देसकाले जोहो अप्पाणं अण्णाहेतू ण णीति एवं ताओ वि । अहवा जम्हा लंखिया गुडिता समाणा अतीति रंगं तत्थ य करणा खयाइं करेति, एवं अज्जाओ वि णीति । एत्थिमा दारगाहा विहिनिग्गमे -
जोहो मुरुंडजड्डो, णाडइणी लंखिया कतलिखंभो ।
अज्जाभिक्खग्गहणे, आहरणा होति णायव्वा ॥४१२१॥ "जोहो मुरुंडजड्डो०" गाहा । तत्थ जोहे त्ति दारं । वणितो पराजितो मारिओ व संखे अवम्मितो जोधो । सावरणे पडिपक्खो, भयं च कुरुते विवक्खस्स ॥४१२२॥ "वणितो०" गाहा । कण्ठ्या । मुरुंडजड्डे ति । विहवससा उ मुरुंडं, आपुच्छति पव्वयामऽहं कत्थ । पासंडे य परिक्खति, वेसग्गहणेण सो राया ॥४१२३॥
"विहवससा तु०" गाहा । कुसुमपुरे नगरे मुरुण्डो राया । तस्स भगिणी विहवा, धवो मनुष्यो विगतो = विनष्टो यदुक्तम् विगतधवा । सेसं कण्ठ्यम् -
डोंबेहिं च धरिसणा, माउग्गामस्स होइ कुसुमपुरे । उब्भावणा पवयणे, णिवारणा पावकम्माणं ॥४१२४॥ उज्झसु चीरे सा यावि णिवपहे मुयति जे जहाबाहिं। उच्छूरिया णडी विव, दीसति कुप्पासगादीहिं ॥४१२५॥ धिद्धिक्कतो य हाहक्कतो य लोएण तज्जितो मेंठो ।
ओलोयणट्ठितेण य, णिवारितो रायसीहेण ॥४१२६॥
"डोंबेहिं०" ["उज्झसु०" "धिद्धिक्कतो."] गाहा । डोंबहत्थिमेण्ठो, हत्थिमेण्ठो संदिट्ठो पासंडिणीसु हत्थि सण्णेज्जंति, भणेज्जाहि य पोत्तं मुयाहि । एक्कम्मि मुक्के मा ढाहिसि ताव गहग्गहावेज्जासि जाव सव्वे मुक्का । तेणं चरियाए य पहे तहा कयं जाव णग्गीभूता । रण्णा तं सव्वं दिटुं । णवरं अज्जा विधीए पविट्ठा । रायपहोतिण्णाए हत्थी सन्निओ - मुयसु पोत्तं ति । पढमं मुहपोत्तिया मुक्का, तओ णिसिज्जा । एवं विभासा । ताहे रण्णा वारिओ । राया चिंतेति - एस धम्मो सव्वण्णुदिट्ठो अण्णेण य बहुजणेण पसंसा कया सासणस्स । 'णिवारणा पावकम्माणं' ति । जे अण्णे वि अभिद्दवितुमिच्छंति संजतीतो ते य तं पासित्ता ण सक्का एयाओ छलेतुं । एवंविहेणं वेसेणं । मुरुण्डजड्डे त्ति गयं ।
इदाणिं लिंखिय त्ति ।
