________________
भासगाहा-४०२७-४०३६] तइओ उद्देसो
चत्तारि अहाकडए, दो मासा होति अप्पपरिकम्मे । तेण पर मग्गियम्मि य, असति ग्गहणं सपरिकम्मे ॥४०३१॥
"चत्तारि अहाकडए०" गाहा । चत्तारि मासा अहाकडयं मग्गियव्वं । तस्स अलंभे चउहिं मासेहिं पुण्णेहिं अण्णे दो मासा अप्पपरिकम्मं गेण्हति । एवं छम्मासा बितियस्स अलंभे ताहे सपरिकम्मं मग्गियव्वं । केच्चिरं कालं ? अत उच्यते
पणयालीसं दिवसे, मग्गित्ता जा न लब्भए ततियं । तेण परेण न गिण्हइ, मा पक्खेणं न रज्जेज्जा ॥४०३२॥
"पणयालीसं दिवसे०" गाहा । जति पणयालीसाए दिवसेहिं ण लद्धं, ताहे अण्णेहिं पण्णरसेहिं दिवसेहिं वरिसारत्तो एति त्ति काउं ण गेण्हति, मा पक्खेणं उवट्ठाहिति । काले त्ति गयं । इदाणिं आगरे त्ति दारं । अहाकडं कहिं मग्गियव्वं ? अत उच्यते
कुत्तीय सिद्धणिण्हगपवंचपडिमाउवासगाईसु । कुत्तियवज्जं बितियं, आगरमाईसु वा दो वि ॥४०३३॥ "कुत्तीय०" गाहा । 'दो वि' त्ति अप्पपरिकम्म-सपरिकम्मा।
आगर नई कडंगे, वाहे तेणे य भिक्ख जंत विही । कय कारियं व कीतं, जति कप्पति घेप्पतू अज्जो ! ॥४०३४॥
"आगर नई०" गाहा । आगरं भिल्लपल्लीए 'नदि' त्ति जेसु गामेसु वरिसारत्ते नदीओ अलाउएहिं संतरिज्जति । 'कुडंगे' त्ति जत्थ जायंति वाहपल्लीसु तेणपल्लीसु । एयासु लाउएसु पाणियं कंजियमादीणि कीरंति, कोलालं तत्थ णत्थि । 'भिक्खयर 'त्ति भिक्खयरा जे लाउए गिण्हंति, जंतसालासु गुलमादीणि तेहिं उस्सिच्चंति । 'विहि'त्ति तेसु विहीए मग्गंति । विभासा गाहा -
आगर पल्लीमाई, निच्चुदग नदी कुडंगमुस्सरणं । वाहे तेणे भिक्खे, जं ते परिभोगऽसंसत्तं ॥४०३५॥ तुब्भट्टाएँ कयमिणं, अन्नेसऽट्टाएँ अहवण स अट्ठा ।
जो घेच्छति व तदट्ठा, एमेव य कीयपामिच्चे ॥४०३६॥ "आगर०" ["तुब्भट्ठाए०"] गाहाद्वयं । 'एमेवय कीयपामिच्चे' त्ति एयं
१. भिक्ख मुच ।
