________________
४२०
विसेसचुणि चंदगुत्तपपुत्तोय, बिंदुसारस्स नत्तुओ । असोगसिरिणो पुत्तो, अंधो जायति काकणि ॥३२७६ ॥
अज्जसुहत्थाऽऽगमणं, दट्टु सरणं च पुच्छणा कहणा । पावयणम्मिय भत्ती, तो जाता संपतीरण्णो ॥३२७७॥
[ अज्जखेत्तपगयं
"कोसंबा०" ["चंदगुत्त० " "अज्ज०"] गाहा । कोसंबीए नयरीए महागिरी अज्जसुहत्थी य समोसढा । तदा य अंचितकालो आहारोप्पिओ । साहू य हिंडमाणाण फव्वंति। तत्थ एगेण दमएण ते दिट्ठा । ताहे ते जायइ । तेहिं भणियं - अम्हं आयरिया जाणंति। ताहे सो गओ आयरियसगासं । आयरिया उवयुत्ता । तेहिं नायं - एस पवयण वग्ग वट्टिहिति । ताहे भणिओ - जइ पव्वयसि तो दिज्जइ । सो भणइ - पव्वयामि । सामाइयं कारिओ तेण अईव समुद्दिनं । सो तेण कालगओ कुणालकुमारस्स पुत्तो जाओ । एत्थ कुणालकुमारस्स उप्पत्ती भाणियव्वा जाव तेण रज्जं जाइयं मम पुत्तो अत्थि । कहिं ? इमो संपइ णामो । ताहे उज्जेणिमादिं काउं दक्खिणावहो सव्वो तेण तत्थ ट्ठिएण ओयविओ । अज्जसुहत्थि समोसरणं रथाणुज्जाणे हिंडतो राउलंगणपदेसे तेण उलोअणवरगएणं सो आलोइओ अज्जसुहत्थी । ईहा - पूहा, जाइस्सरणं जायं । ताहे भणियं - पडिचरग आयरिए । ताहे सीघ्रं घरे' ट्ठिया । सो गओ । धम्मो सुओ । तेण पुच्छियं - इमस्स धम्मस्स किं फलं ? सग्गो मोक्खो वा । सामाइयस्स किं फलं ? अव्वत्तस्स तु सामाइयस्स रायादिफलं । सो संतो होइ सव्वं । ताहे भणइ - अम्हे कहिं चि दिट्ठेल्लया ? आयरिया उवउज्जिऊण भांतिदिल्लओ ति । एवं सावओ जाओ पंचाणुव्वयधारी । एतदेवार्थम् ।
" अव्वत्त० " गाहा । कण्ठ्या ।
जवमज्झ मुरियवंसे, दाणे वणिविवणि दारसंलोए । तसजीवपडिक्कमओ, पभावओ समणसंघस्स ॥३२७८ ॥
“जवमज्झ०” गाहा । जवमज्झसरिसो मुरियवंसो । आदिहीणो, मज्झे वित्थिन्नो, अवसाणे हीणो । दारे त्ति अस्य व्याख्या
-
ओदरियमओ दारेसु, चउसुं पि महाणसे स कारेति । णिताऽऽणिते भोयण, पुच्छा सेसे अभुत्ते य ॥३२७९॥
१. सीघ्रघरे क शीघ्रं घरे अइ । २. एषा गाथा न दृश्यते मुच ।
