________________
३९८ विसेसचुण्णि
[संखडिपगयं 'आदाणं'ति निदाणं । तत्थ समुद्दिसिस्सामि उक्कस्सुक्कस्सयाणि । एएणं निदाणेणं कारणेणं ति भणितं होइ । ताहे आयरियं विन्नवेंति आपुच्छंतीत्यर्थः । कहं पुण आपुच्छइ ?
अत्थि य मे पुव्वदिट्ठा, चिरदिट्ठा ते अवस्स दट्ठव्वा । मायागमणे गुरुगो, तहेव गामाणुगामम्मि ॥३१५१॥
"अत्थि य मे०" गाहा । एवं गंतुकामो मायाए आपुच्छइ मासगुरु । गच्छइ :: । (मासगुरु) तहेव गामाणुग्गामं । अस्य व्याख्या -
गामाणुगामियं वा, रीयंता सोउ संखडिं तुरियं ।
छडेंति व सति काले, गामं तेसि पि दोसा उ ॥३१५२॥ "गामाणुगामियं०" गाहा । कण्ठ्या । गंतुमणा अन्नदिसिं, अन्नदिसि वयंति संखडिणिमित्तं । मूलग्गामे व अडं, पडिवसभं गच्छति तदट्ठा ॥३१५३॥
"गंतुमणा०" गाहा । अन्नदिसीए भिक्खायरियाए गच्छंता अन्नदिसाए गच्छंति संखडिणिमित्तं । मूलग्गामे हिंडंतो पडिवसभं गच्छा संखडिनिमित्तं । जे एते संखडिपगारा भणिया एए दिवसपरिमाणं पडुच्च इमे होज्ज -
एगाहि अणेगाहिं, दिया व रातो व गंतु पडिसिद्धं ।
आणादिणो य दोसा, विराहणा पंथि पत्ते य ॥३१५४॥
"एगाहि०" गाहा । एगदिवसियाओ वा अणेगदिवसियाओ वा ण वट्टइ गंतुं । को दोसो? संजमविराहणा आयविराहणा य पंथे प्राप्ते च भवति ।
मिच्छत्ते उड्डाहो, विराहणा होति संजमाऽऽयाए । रियादि संजमम्मि य, छक्काय अचक्खुविसयम्मि ॥३१५५॥ "मिच्छत्ते०" दारगाहा । मिच्छत्तस्स व्याख्या -
जीहादोसनियत्ता, वयंति लूहेहि तज्जिया भोज्जे । थिरकरणं मिच्छत्ते, तप्पक्खियखोभणा चेव ॥३१५६॥ "जीहा०" गाहा । उवहसंति एव तप्पक्खिया सावगा । आयविराहणाए व्याख्या - वाले तेणे तह सावते य विसमे य खाणु कंटे य । अकम्हाभयं आतसमुत्थं रत्तेमादी भवे दोसा ॥३१५७॥
