________________
॥ वत्थपगयं ॥ [सुत्तं] नो कप्पइ निग्गंथाण वा निग्गंथीण वा रातो वा वियाले वा वत्थं वा पडिग्गहं वा कंबलं वा पायपुंछणं वा पडिगाहित्तए नऽन्नत्थ एगाए हरियाहडियाए ॥१-४४॥
संबंधे गाहा -
जह सेज्जाऽणाहारो, वत्थादेमेव मा अइपसंगा। दियदिट्ठवत्थगहणं, कुज्जा उ निसिं अतो सुत्तं ॥२९६९॥
"जह सेज्जा०" गाहा । कण्ठ्या । 'हृञ् हरणे' (पा धातुपाठः) हृता-आहृता हरिताहडिया, रत्ता पंचवन्नाणं एगतरा सद्धा मसिणा कया ।
रातो वत्थग्गहणे, चउरो मासा हवंति उग्घाया ।
आणाइणो य दोसा, आवज्जण संकणा जाव ॥२९७०॥
"राओ वत्थग्गहणे०" गाहा । जे राओ भोयणे दोसा भणिया ते चेव वत्थग्गहणे पंचसु एएसु आवज्जणा संकणा वा राईभोयणसुत्ते उक्ता ।
बिइयं विहे विवित्ता, पडिसत्थाई समिच्च रयणीए । ते य पए च्चिय सत्था, चलिहिंतुभए व इक्को वा ॥२९७१॥
"बिइयं" गाहा । बिइयपदे गेण्हेज्ज राओ वा वियाले वा वस्त्रादि विहं = अद्धाणं तत्थ मुट्ठा विवित्ता । पडिसत्थे मिलिया तत्थ रत्तिं गेण्हेज्ज वत्थादीणि, नत्तं-रात्री ।
उद्दद्दरे सुभिक्खे, अद्धाणपवज्जणं तु दप्पेण । लहुगा पुण सुद्धपदे, जं वा आवज्जई जत्थ ॥२९७२॥ नाणट्ठ दंसणट्ठा, चरित्तट्ठा एवमाइ गंतव्वं । उवगरण पुव्वपडिलेहिएण सत्थेण गंतव्वं ॥२९७३॥
"उद्दद्दरे०" ["नाणट्ठ०"] गाहाद्वयं पूर्वोक्तम् । (गा० २८७८-७९) एवं ते बिइयपदे अद्धाणं पवन्ना, तत्थ सत्थो वि विविच्चिउमारद्धो -
सत्थे विविच्चमाणे, असंजए संजए तदुभए य । मग्गंते जयण दाणं, छिन्नं पि हु कप्पई घेत्तुं ॥२९७४॥
१. नन्नत्थ...हरिया हडियाए अग्रिमे सूत्रे वर्तते मुच ।
