________________
भासगाहा-२९०१-२९१३] पढमो उद्देसो
३५३ इयाणिं तेणे त्ति दारं -
बेइंदियमाईणं, संथरणे चउलहू उ सविसेसा । ते चेव असंथरणे, विवरीय सभाव साहारे ॥२९०९॥
"बेइंदियमाईणं" गाहा । बेइंदियमादीणं जं पिसियं तं जइ संथरंता पल्लिमादीसु गेण्हंति चउलहुया । 'सविसेस' त्ति । भिक्खुमादीण तवकालविसेसिया 'विवरियं' ति । जयणाए तो गेण्हंतो सुद्धो । अजयाए इमं पच्छित्तं -
जत्थ विसेसं जाणति, तत्थ लिंगेणं चउलहू पिसिए ।
अन्नाएण उ गहणं, सत्थम्मि वि होइ एसेव ॥२९१०॥
"जत्थ विसेसं" गाहा । कण्ठ्या । अह अयाणंतेसु वि अन्नलिंगेण गेण्हति मूलं, तम्हा विसेसे अणज्जमाणे सलिंगेण चेव घेत्तव्वं । जइ इंदिय उक्कमेण गेण्हंति :: ४ (चतुर्लघु) कमेण सुद्धो । अस्यापवाद-'सभाव साहारे' त्ति बेइंदियमादीणं पोग्गलं, कयाइ सभावेण चेव अधियतरइंदिएहितो अप्पतरइंदियाण पोग्गलं ण हु बलतरं' होइ । एयं नाउं–"तुल्लम्मि वि । पिसियम्मि०" (?) गाहा । कण्ठ्या । तेणपल्लि त्ति गयं ।
इदाणिं सुण्णगामे त्ति । अस्य पुरातना वक्खाणगाहा -
अद्धाणासंथरणे, सुन्ने दव्वम्मि कप्पई गहणं ।
लहुओ लहुया गुरुगा, जहन्नए मज्झिमुक्कोसे ॥२९९१॥ [नि०]
"अद्धाणासंथरणे०" गाहा । अद्धाणपडिवण्णा सुन्नगामे जहन्नयं दव्वं गेहंति मासलहुं, मज्झिमयं दव्वं गेहंति :: ४ (चतुर्लघु), उक्कोसयं गेण्हंति ::। ४ (चतुर्गुरु) । दव्वं जहन्नं मज्झिमं उक्कोसं न जाणामो, तस्स परूवणणिमित्तं इदमुच्यते -
उक्कोसं विगईओ, मज्झिमगं होइ कूरमाईणि । दोसीणाइ जहण्णं, गिण्हते आयरियमादी ॥२९१२॥ "उक्कोसं०" गाहा । कण्ठ्या । अहवा इमं पच्छित्तं -
अद्धाणे संथरणे, सुन्ने गामम्मि जो उ गिण्हेज्जा । छेदादी आरोवण, नायव्वा जाव मासलहू ॥२९१३॥
१. बहुलतरं क । २. इयं गाथा मुच नास्ति ।
